navarra.es
Castellano | Euskara | Français | English
Ezagutzera eman
565/1995 Foru Dekretua, abenduaren 4koa, Enplegurako Prestatzeko Nafarroako Kontseilua sortzen duena
(1995eko 154. NAOn argitaratutako testua, abenduaren 15ean)
Atarikoa
Lanerako Etengabeko Prestakuntza, lanpostuak sortu eta mantentzeko, langabetuak ekoizpen prozesuan sartzeko eta enpresen lehiakortasuna hobetzeko kakotzat hartu izan du orok. Nafarroako Gobernuak lanerako prestakuntzarako aurrekontuetako partida gero eta gehiago bideratzeak, Foru Gobernuak Europako Fondo Sozialaren programetan daukan partehartzeak eta eragile ekonomiko eta sozialen, eta diseinatu den lanerako prestakuntzako politikatik heldu diren programetan formazio zentruen partehartze gero eta handiagoak baliabideen planifikazio egokia, helburuetako orientabide argia eta programatuko diren ekintzen deseinu errealista eskatzen dituzte.
Langintza horiek zailak izaki, komenigarria da ahokularitza, partehartze eta kontsulta organo bat sortzea, irizpide tekniko, sozial eta kulturalak nahiz lanerako etengabeko prestakuntza kontuetako kudeaketa erraztu edo hobetzeko proposamenak edo ekimenak transmititzeko gauza izanen dena.
Organo horrek, izaera aholku‑emaile eta batez ere teknikoa izanen duenak, bere baitan bilduko ditu Nafarroako Foru Komunitatearen Administrazioaren funtzionarioak eta erakunde sindikal eta enpresarialetako nahiz lanerako prestakuntza zentruen ordezkaritza zabala, izan ere, erakunde horiei aipatu organoaren eraketa, osaketa eta funtzionamendu araubideari buruz kontsultatu baitzaie.
Horrenbestez, Lehendakaritza kotseilariak proposatuta, Nafarroako Gobernuak abenduaren lauan egin bilkuran hartutako erabakiarekin bat, dekretatu dut:
1. artikulua. Sorrera.
1. Enplegurako Prestatzeko Nafarroako Kontseilua (EPNK) sortzen da kontsultarako organo gisa, Lanerako Etengabeko Prestakuntza arazoetan aholku emateko, partehartzeko eta Nafarroako Gobernuari proposamenak igortzeko egitekoak izanen dituen kontsultarako organoa.
2. Bere zereginetan Kontseiluak irizpide tekniko, sozial eta kulturalen arabera funtzionatuko du, eta Foru Dekretu honek ezarritakoari, haren antolamendu eta funtzionamendu erregelamenduari, eta horietan xedatuta ez dauden gauzetan organo kolegiatuen funtzionamendua arautzen duten xedapenei jarraituko die.
3. Enplegurako Prestatzeko Nafarroako Kontseilua, funtzionamendu kontuetarako, Lehendakaritza Departamentuaren Lan Zuzentaritza Nagusiari atxikiko zaio.
2. artikulua. Kontseiluaren egitekoak.
1. Enplegurako Prestatzeko Kontseiluak honako egitekoak izanen ditu:
A) Aholku lanak ondoko aferak direla‑eta:
-Lanerako etengabeko prestakuntza kontuak arautzen dituzten Nafarroako Gobernuaren Foru Dekretuen proiektuak eta Departamentuetako Kontseilarien Foru Aginduak.
-Nafarroako Gobernuaren Departamentuen bidez, lanerako etengabeko prestakuntzarako haren aurrekontuetako aurreproiektua, afera horretarako urteko ekintzen programa, eta aipatu urteko programa egiteko lehentasun irizpideak.
B) Kontsulta lanak ondoko kontuak direla‑eta:
-Irizpide uniformeak lanerako etengabeko prestakuntzarako dirulaguntzak emateko Nafarroako Aldizkari Ofizialean argitaratzen diren deialdietako espedienteen ebazpenetan.
-Gobernuak edo haren Departamentuek lanerako etengabeko prestakuntza kontuei buruz eskatzen dizkioten guztiak.
C) Proposamenen edo ekimenen bidezko partehartzeak, ondokoak direla‑eta:
-Lanerako etengabeko prestakuntzarekin zerikusia duten planak, neurriak edo azterketak.
-Lanerako etengabeko prestakuntzarekin lotutako ikerketa programak, kongresuak edo mintegiak, edo antzekoak.
-Lanerako etengabeko prestakuntzako ekintzen ebaluazioa.
2. 1A atalak aipatzen dituen egitekoak Osoko Bilkurak erabiliko ditu.
3. Bere egitekoak bideratu ahal izateko, Enplegurako Prestatzeko Nafarroako Kontseiluak (EPNK) Nafarroako Gobernuaren Departamentuei txosten teknikoak eskatu ahal izango dizkie.
3. artikulua. Kontseiluaren osaketa.
Kontseiluak kide hauek izanen ditu:
a) Lan zuzendari nagusia, kontseiluburu.
b) Lanerako prestakuntza arloko egitekoak dituen zerbitzuburua, kontseiluburuorde.
c) Lehendakaritza Departamentuak (Lan Zuzendaritza Nagusia), Hezkuntza, Kultura, Kirol eta Gazteri Departamentuak (Hezkuntza Zuzendaritza Nagusia), Industri, Merkataritza eta Turismo Departamentuak (Industri Zuzendaritza Nagusia) eta Nafarroako Lan Osasunaren Institutua Erakunde Autonomoak izendatutako teknikari bana.
d) Nafarroako Kontseilu Ekonomiko eta Sozialean partehartzeko eskubidea duten sindikatuetako bost ordezkari, hartan daukaten ordezkaritzaren heinean.
e) Nafarroako Kontseilu Ekonomiko eta Sozialean partehartzeko eskubidea duten erakunde enpresarialek hautatutako lau ordezkari.
f) Nafarroako Ekonomia Sozialeko erakundeek edo enpresa‑elkarteek hautatutako ordezkari bat.
g) Lanerako prestakuntzako zentruen bi ordezkari, behar bezala kreditatuak, zentru horiexek hautatutakoak, eta Nafarroako ordezkaritza enpresarialarekin edo sindikalarekin partehartze mailako harremanik gabekoak.
h) Kontseiluaren idazkaria, ahotsa bai baina boturik gabe, Lan Zuzendaritza Nagusiaren letratu bat izanen da.
Kontseilukideak Lehendakaritza kontseilariak izendatuko ditu ordezkaritza daukaten erakundeek proposatuta.
Mahaikideen agintaldia lau urtekoa izanen da. Hala ere, erakunde sindikal eta enpresarialek eta lanerako prestatzeko zentruek beren ordezkari den edozein mahaikidek kargua uzteko eta berri bat izendatzeko eskatzen ahalko dute.
4. artikulua. Kontseiluaren organoak.
Kontseiluak Osoko Bilkuren eta Batzorde Iraunkorren bidez funtzionatuko du. Kontseiluaren Osoko Bilkura gutxienez sei hilabeteren behin bilduko da, eta lehendabiziko bilkuran bere antolamendu eta funtzionamendu araubidea onetsiko du.
5. artikulua. Kontseiluburua.
Ondokoak dira kontseiluburuaren egitekoak:
a) Kontseiluaren bilkuretarako deia egitea.
b) Bilkuretako eztabaida eta ordena zuzentzea.
c) Kontseiluaren ordezkaria izatea.
d) Araudiak ezarri litzakeen gainerakoak.
6. artikulua. Kontseiluburuordea.
Kontseiluburuordeak kontseiluburuaren ordez ihardunen du kontseiluburu postua hutsik dagoenean, edo kontseiluburua kanpoan edo eri dagoenean. Gainera, kontseiluburuak ematen dizkion egitekoak edo araubidez ezartzen direnak izanen ditu.
7. artikulua. Idazkaria.
Ondokoak dira idazkariaren egitekoak:
a) Osoko Bilkuraren eta Batzorde Iraunkorraren bilkuren aktak egitea.
b) Kontseiluaren lan administratiboak zuzentzea.
c) Osoko Bilkuraren eta Batzorde Iraunkorraren lanak koordinatzea.
d) Kontseiluaren erabakiak betearaztea.
e) Kontseiluak eman diezazkiokeen gainerakoak eta araubidez ezarri daitezkenak.
Xedapen Gehigarri Bakarra
Nafarroako Gobernuaren Lehendakaritza kontseilariak behar diren neurriak hartuko ditu Enplegurako Prestatzeko Nafarroako Kontseilua (EPNK) Foru Dekretu hau indarrean sartu eta hilabeteko epean osatu dadin.
Azken Xedapen Bakarra
Foru Dekretu honek Nafarroako Aldizkari Ofizialean argitara eman eta hurrengo egunean hartuko du indarra.
