Albaitariak, albaitaritzako sendagaiak erosten, garraiatzen, administratzen, erabiltzen edo lagatzen dituztenak lanbidean jarduteko.
Deskribapena keyboard_arrow_down
Baldintzak:
Bermatu beharko da botika-kutxa beti dagoela haren ardura duen albaitariaren zaintzapean. Halaber, botika-kutxa erabiltzen duten beste albaitari batzuk identifikatzeaz eta haiei buruzko informazioa emateaz arduratuko da.
Albaitariaren botika-kutxa ezin da egon abeltegi batean, salbu eta albaitariaren egoitza abeltegian berean badago eta hartan bakarrik jarduten badu.
Sendagaiak farmazia-bulego edo txikizkako saltzaile baimenduen bidez erosiko dira, eskaera-orri baten bidez eskatu ondoren; 666/2023 Errege Dekretuaren 37.6 artikuluan adierazitakoa jasoko da eskaera horretan.
Albaitariak bere zaintzapean dauden animaliei emanen dizkie botika-kutxako sendagaiak.
Albaitariak ekoizpen-animaliei ematen badizkie sendagaiak, hala adierazi beharko du sendagai-tratamenduen erregistroan eta albaitari-bisiten erregistroan. Hala ere, tratamenduen erregistroko nahitaezko informazioa errezetan jasota badago, ez da beharrezkoa izanen informazio hori bereizita erregistratzea.
Albaitariak irabazi asmorik gabe lagatzen ahalko dizkio sendagaiak animaliaren titularrari edo arduradunari, tratamenduarekin jarrai dezan, arriskua badago tratamendua eteteko. Hala ere, albaitariak bakarrik aplikatu beharreko sendagaiak ezin izanen dira laga.
Sendagaiak gordetzeko, fabrikatzaileak gomendatutako edo ezarritako baldintza orokorrak eta berariazkoak bete beharko dira.
Prozeduraren urratsak:
Komunikazioa aurkeztea.
Dokumentazioa jasotzea eta egiaztatzea.
Zuzentzeko errekerimendua, hala badagokio.
Komunikazioak ondorio administratiboak ditu automatikoki. Nolanahi ere, Administrazioak zuzenketak edo argibideak eska ditzake.
Administrazioak ez du inolako erantzunik emanen. Izapidea egindakoan, beharrezkoa da orrian agertzen den “Sarrera-erregistroaren agiria” gordetzea edo inprimatzea, komunikazioa egin izanaren egiaztagiria baita.