Albaitariak, baldin eta salbuespen gisa preskribatu nahi badituzte EBko beste estatu batzuetan baimendutako albaitaritzako sendagai immunologikoak edo antimikrobianoak, Espainian baimendu gabe daudenak.

• Espainian ez badago albaitaritzako sendagairik eritasun edo animalia espezie jakin baterako, albaitariak erabili ahal izanen du beste estatu kide batean -espezie bererako, beste espezie baterako edo beste gaixotasun bat tratatzeko- baimenduta dagoen albaitaritzako sendagai bat, animaliak tratatzeko, betiere salbuespen gisa eta zuzenean bere ardurapean.  
• Sendagaia immunologikoa edo antimikrobianoa baldin bada, preskripzioa egiten duen albaitariak Abeltzaintza Zerbitzuari komunikatu beharko dio aldez aurretik.
• Animalien osasuna edo osasun publikoa dela kausa, Abeltzaintza Zerbitzuak sendagai horren erabilera debekatu ahal izanen du ebazpen arrazoitu baten bidez, komunikazioa jaso eta 3 egun balioduneko epean gehienez ere.
• Elikagaietarako espezieen kasuan: substantzia farmakologiko aktiboak hondakinen gehieneko muga bat izan behar du finkatuta (ikusi 470/2009 Erregelamendua eta 37/2010 Erregelamendua). Albaitariak itxaronaldi egoki bat ezarri behar du -2019/6 (EB) Erregelamenduaren 115. artikulua-.
• Preskripzioa egin duen albaitaria arduratuko da sendagai hori gordetzeaz, zaintzapean dituen animaliei eman arte.

Prozeduraren urratsak:

• Komunikazioa aurkeztea.
• Dokumentazioa jasotzea eta egiaztatzea.
• Zuzenketak egiteko errekerimendua, hala badagokio.
• Baldin eta 3 eguneko epean Abeltzaintza Zerbitzuak ez badu sendagai horren erabilera debekatzen ebazpen arrazoitu baten bidez, ondorioztatuko da ez dagoela hura erabiltzea eragozten duen animalien osasuneko edo osasun publikoko arrazoirik.
• Izapidea egindakoan, beharrezkoa da orrian agertzen den “Sarrera-erregistroaren agiria” gordetzea edo inprimatzea, komunikazioa egin izanaren egiaztagiria baita.

• Komunikazio inprimakia.
• Justifikazioa, arrazoituz salbuespenezko preskripzioa behar dela gabezia terapeutikoa dela-eta (arrazoia, tratatuko den gaixotasuna, zer espezietan erabiliko den).

• 666/2023 Errege Dekretua, zeinaren bidez arautzen baitira albaitaritzako sendagaien banaketa, preskripzioa, dispentsazioa eta erabilera.
• Europako Parlamentuaren eta Kontseiluaren 2019/6 (EB) Erregelamendua, 2018ko abenduaren 11koa, albaitaritzako sendagaiei buruzkoa, zeinaren bidez indargabetzen baita 2001/82/EE Zuzentaraua (Testu egokia EEEren ondorioetarako).