Albaitariaren preskripziorik behar ez duten txakur, katu, terrarioko animalia, etxeko txori, akuarioko arrain eta karraskari txikiendako sendagaiak banatzen eta saltzen dituen establezimenduek (10/2013 Legeak 29/2006 Legea aldatu ondoren):
- Ez dute aurretiazko baimenik behar: nahikoa da jarduera hasi aurretik Abeltzaintza Zerbitzuari komunikatzea eta Erregistroan sartzea.
- Ez dute farmazia zerbitzurik behar.
- Ezin dute saldu ekoizpen animaliendako albaitaritzako sendagairik.
- Ezin dute saldu albaitaritza preskripzioari lotutako albaitaritzako sendagairik. Albaitaritza preskripzioa behar duten sendagaiak baimentzeko beren ebazpenean hala adierazita dutenak dira. Enbalajean eta erabilera orrian honako ohar hau dute: "albaitaritza erabilerakoa - albaitaritza preskripzioa behar duen sendagaia".
- Jatorrizko ontzi ukitu gabeetan banatu behar dituzte.
- Baldintza hauek bete behar dituzte nagusiki (109/1995 Errege Dekretuaren 91. artikulua, ikusi "Araudia"):
- Biltegiratzeko baldintzak: gainerako produktuetatik bereizita.
- Kontserbazioa: fabrikatzaileak gomendatutako baldintzetan
- Dokumentu kontrola.
- Urtean behin: sarrerak eta irteerak, egiaztatutako aldeen txostenarekin.
- Dokumentazioa eta erregistroak bitarteko elektronikoen bidez eramaten ahalko dira, eta 5 urtez gordeko dira.
Prozeduraren urratsak:
- Komunikazioa jasotzea.
- Animaliendako botikekin lotutako establezimenduen erregistro ofizialean erregistratzea.