Castellano | Euskara | Français | English
Compártelo
Nafarroako Gobernuak eta Euskaltzaindiak aurten elkarlanean eginen dituzten jarduerei buruzko hitzarmena izenpetu dute
viernes, 04 de julio de 2003Pedro Pegenaute Garde Nafarroako Gobernuko Unibertsitate eta Hizkuntza Politikako zuzendari nagusiak eta Jean Haritschelhar Euskaltzaindiako lehendakariak 2003an bi instituzioek elkarlanean eginen dituzten jarduerei buruzko hitzarmena sinatu dute.
Akordioan aurreikusten diren jarduerak honako hauek dira:
- Nafarroako hiru herritan bildutako material fonetiko eta dialektala ematea Herri Hizkeraren Atlasaren prestaketari begira.
- Atlasa argitaratzeko programa informatikoaren berrikuntza, lehenengo berrikuntza-lanak 2003an eginen direlarik.
- Baztango Euskalkiaren gramatikaren prestaketa lanei ekitea.
- Nafarroako euskalkien inguruko ikerketei buruzko txosten bat prestatzea.
- Bi instituzioek adostutako bi libururen argitalpena.
- Nafarroako euskalkiei buruzko jardunaldi batzuen antolakuntza.
- Elkarren artean adostutako gainerako zereginak.
Lan hauek egiteko Euskaltzaindiak Nafarroako Aurrekontuetatik aterako diren 134.600 euroko gastua bideratuko du.
