Castellano | Euskara | Français | English
Ezagutzera eman
Ikusi egun honetako albiste gehiago
Urtarrilaren 29an Zizur Nagusian, Sarrigurenen, Iruñean, Antsoainen eta Cordovillan 2.130 etxebizitza babestu esleitzeko kanpaina publikoa hasiko da
VINSA sozietate publikoak Iruñeko Gorriti kalean duen bulegoaren eta www.vinsanavarra.es web orriaren bidez tramitatuko ditu eskaerak
Informaziorako liburuxkaren azala.
(
irudia handitu
)
Datorren urtarrilaren 29an Zizur Nagusian, Eguesibar-Sarrigurenen, Iruñean, Antsoainen eta Galar-Cordovillan eraikiko diren 2.130 etxebizitza babestu esleitzeko kanpaina publikoa hasiko da. Horrela adierazi du Ingurumen, Lurraldearen Antolamendu eta Etxebizitza kontseilariak, José Andrés Burguete Torresek, ondorengo herrietako alkateekin batera: Zizur Nagusikoa, Luis María Iriarte; Eguesibarrekoa, Josetxo Andía; Iruñekoa, Yolanda Barcina; Antsoaingoa, Alfredo García; eta Galarkoa, Ricardo Ariz.
Kanpaina osatzen duten 2.130 etxebizitza babestuetatik 1.860 salerosketarako dira, eta 270 alokairuko etxebizitzetarako dira. Zizur Nagusiak salerosketarako 799 etxebizitza babesturen eraikuntza izango du; Sarrigurenen salerosketarako 617 etxebizitza egingo dira; Iruñean, salerosketarako 300 etxebizitza eta alokairurako 270 eskainiko dira; Antsoainen, salerosketarako 76 etxebizitza egongo dira; eta Cordovillan salerosketarako 68 etxebizitza egingo dituzte.
Erregimen orokorrean egongo diren alokairurako etxebizitzei dagokienez, 70m² izango dituzte, eta erregimen berezikoak 50 eta 90 m² bitartekoak izango dira, logela bakarra, bi edo hiru izan baititzakete. Erosketarako direnak, erregimen orokorrean, 50 eta 90 m² bitartekoak izango dira eta prezio tasatukoak 50 eta 120 m² bitartekoak, familia ugarientzat izango direnek lau logela izan behar baitituzte.
Etxebizitza horietakoren bat eskuratzeko interesa duten pertsonek eskaera orria eta esplikazio-katalogoa urtarrilaren 29tik otsailaren 17ra (bi egunak barne) eskuratu ahal izango dituzte. Dokumentazioa VINSAk Iruñeako Gorriti, 24-etxabean duen bulegoan edo www.vinsanavarra.es interneteko helbidean eskura daiteke. Egun horietan ere, eskaera eta dokumentazio osoa aurkezteko aurrez adostutako hitzordua eskatu behar da 902 200 712 telefonoan (astelehenetik ostiralera 8etatik 20etara eta larunbatetan 9etatik 14etara) edo web helbidean.
Etxebizitza horien esleipenerako dokumentazioa eta eskaera orria, aurrez adostutako hitzorduaren bidez, otsailaren 5etik 28ra aurkeztu behar dira Iruñeko Gorriti kaleko 24-etxabean. Publikoa artatzeko ordutegia astelehenetik ostiralera 8etatik 20etara izango da etenik gabe, eta larunbatetan 9etatik 14etara.
Kanpainan, salerosketarako eta alokairurako etxebizitzen eskaerak bete ahal izango dira, baina bien esleipenduna ezin izango da izan. Gogoratu behar da etxebizitzen azken esleipen-kanpaina 2006ko urtarrilean egin zela (2.253 etxebizitza babestu Sarriguren, Orkoien eta Ezkabako bigarren fasean).
- Dokumentazioa:
- Berri osoa
