Nafarroako Abokatuen Elkarteek diru-laguntza jasotzea ontzat eman da tratu txarren edota sexu-erasoen biktima diren emakumeei zuzenduriko jarduerak burutzeko astelehena, 2007.eko otsailak 12

Nafarroako Gobernuak akordio bat ontzat eman du. Beraren bidez, Nafarroako Berdintasunerako Erakundearen zuzendari-gerenteari Nafarroako Abokatuen Elkargoei 158.875 eurotako diru-laguntza emateko baimena eman zaio (Iruña, Tutera, Lizarra eta Tafalla), tratu txarren edota sexu-erasoen biktima diren emakumeei zuzenduriko jarduerak burutzeko.

Hain zuzen ere, Iruñeko Abokatuen Elkargoak 79.349 € jasoko ditu, Tuterakoak, berriz, 34.155 €, Lizarrakoak, 21.644 €, eta Tafallakoak 20.329 € jasoko ditu. Horretaz gain, 1.246 € euro emakumeen elkarteei eta toki erakundeei emango zaizkie prestakuntza emateko, eta beste 8.150 € gehiago, Iruñeko Abokatuen Elkargoari, genero-indarkeriari buruzko espezializazio juridikoko VII. Ikastaroa burutzeko.

Emakumeen aurkako indarkeria giza-eskubideen aurkako hauste larrienetariko bat da. Gizarte arazo konplexua da eta harekin guztiz amaitzeko, jarduera koordinatuak garatu behar dira: alde batetik, jarduera horien egoerei eta kausei buruzko ikerketa- eta prebentzio-esparrukoak eta, bestalde, profesionalen prestakuntza- eta biktimen premien arreta eta laguntza zerbitzuen egokitzapen-esparrukoak.

Nafarroako Abokatuen Elkargoek eskainitako zerbitzua interes publikoko zerbitzutzat jo da, Foru Erkidego guztirako zerbitzu bakarra delako, izan ere, diskriminazio-egoeran egoteagatik eta, bereziki, tratu txarrak edota sexu-erasoak pairatzeagatik, eskatzen duten emakumeak laguntzeko, aholkuak emateko eta orientatzeko helburua duen zerbitzu juridikoa da.

Jarduera horiek honakoak izango dira: emakumeari zuzenduriko laguntza juridikoa, Nafarroako emakumeen elkarteei eta toki erakundeei eskainitako hitzaldiak, eta egoera hauetan eskua hartzen duten profesionalei zuzenduriko genero-indarkeriari buruzko espezializazio juridikoko ikastaro bat.

Horrela, Elkargoek aurkeztutako proposamenak honako jarduera hauek hartzen ditu barne: hasierako eta jarraitutako laguntza, genero-indarkeriako biktimei eskainitako aholkularitza eta defentsa legalaren jarraipena, prozesu-izaerako orientabidea behar duten emakumeei eskainitako aholkularitza juridiko orokorra, Nafarroako emakumeen elkarteei eta toki erakundeei zuzenduriko prestakuntza-hitzaldiak zerbitzua eskatzen duen kolektiboarentzat interesgarriak diren alderdi legalei buruz, genero-indarkeriaren esparruko prestakuntza eta sentsibilizazioko espezializazio-ikastaroaren garapena. Zerbitzua osatzen duten letratu guztiek azken ikastaro hura nahita nahiez egin beharko dute.

Zerbitzu horiek honako jarduerak izango dituzte:

Premiazko egoeran dauden pertsonentzako berehalako laguntza-zerbitzua, genero-indarkeriaren biktima edo pairatzeko arrazoizko arriskuan edo berehala pariatzeko egoeran egoteagatik. Berehalako laguntza hori Larrialdietarako Nafarroako Agentziaren (LAN) SOS Navarra-112 larrialdietarako zerbitzuarekin lankidetzan aritzen den etengabe lokalizatutako zaintza-zerbitzuaren bidez eskaintzen da.
Salaketa jarri aurretiko laguntza, biktimari bere eskubideen berri eta salaketa jartzearen ondorioen berri emateko.
Biktima garatu beharreko izapide judizial guztietara laguntza agintari judizialei eta fiskalei indarkeriaren gertaerak jakinarazteko.
Doaneko laguntza juridikoko eskubidea aitortzeko eskatzeko aukerari buruzko informazioa.
Laguntza juridikoa biktimei eskurako aukerei buruzko informazioa emateko, bere egoera pertsonala, ezkontza-, familia eta lan-egoera kontuan hartuta.
Genero-indarkeriako egoeren ondorioz, hasten diren prozesu judizialen laguntza juridikoa.
Administrazioari genero-indarkeriako ekintzen ondorioz, legalki aitortutako eskubideak erreklamatzea helburu duten prozesuen laguntza juridikoan. Zerbitzu horrek bermatuko du zuzendaritza letratu bakar batek biktimaren defentsa juridikoa bere gain hartzea pairatutako genero-indarkeriaren ondorioz aurre egin beharreko prozesu guztietan.
Doaneko informazio zerbitzua eta orientabide legala. Horrek barne hartuko ditu Familia Eskubidea, Zuzenbide Penala eta Lan Zuzenbideko esparruan Zuzenbide Zibilari buruz eginiko informazio-eskaera guztiak. Halaber, zerbitzua osatzen duten profesionalek eskainiko dituzte Nafarroako emakumeen toki erakundeek eta elkarteek eskatzen dituzten hitzaldiak, ikastaroak eta bilerak. Informazio hau Nafarroako Berdintasunerako Erakundeari eskatuko zaio eta erakunde berberak Zerbitzuari dagokion eskaeraren berri emango dio pertsona egokiena izendatzeko, erakunde eskatzailea kokatzen den zonaldea kontuan hartuta.

Dokumentazioa:: 1202bs50-eusk.doc

Jar zaitez gurekin harremanetan | Erabilerraztasuna | Lege abisua | Webaren mapa