Castellano | Euskara | Français | English
Ezagutzera eman
Ikusi egun honetako albiste gehiago
Sanz Presidenteak goiz honetan Nafarroako Gobernuaren Etorkinenganako Arreta Bulegoa inauguratu du
asteazkena, 2007.eko otsailak 14
Nafarroako Gobernuaren Presidenteak, Miguel Sanz Sesma, goiz honetan Etorkinenganako Arreta Bulegoa inauguratu du. Nafarroako Gobernuak prestatu du eta Monasterio de Vadoluengo kaleko 4. zenbakian kokatuko da (lehen Nafarroako Enplegu Zerbitzua kokatuta zegoen higiezina), Iruñeko San Juan auzoan.
Sanz Presidentea Immigrazioarentzako Arreta Bulegoaren inaugurazio hitzaldian zehar.
(
irudia handitu
)
Etorkinenenganako Arreta Bulegoan guztira 146.204 euro inbertitu dira. Horietatik, 75.791 euro lanak ordaintzeko eta 70.413, altzariak eta hornikuntza erosteko erabili dira. Presidenteaz gain, ekitaldian Lehendakaritza, Justizia eta Barne Departamentuko kontseilari Javier Caballero Martínez, Hezkuntza Departamentuko kontseilari Luis Campoy Zueco eta Gizarte Ongizatea, Kirola eta Gazteriako María Isabel García Malo ere bildu dira.
Aipatutako Bulegoa Lehendakaritza, Justizia eta Barne Departamentu menpe egongo da, eta honako hauek helburu nagusi izango ditu: etorkinei Nafarroako gizartean barneratzeko baliabideak eskura jartzea, orientabidea eskaintzea eta etorkinen elkarteen eta tokiko erakundeen arteko jarduera koordinatzea. Halaber, bulegoa etorkinen fenomenoa aztertzeko behatokia izango da ere, kolektibo honi arreta hobea eskaintzeko. Horretaz gain, sortu berriko erakundeak ezarritako helburuen artean, "interesen bulego" bilakatzearen helburua aurkitzen da. Horren bidez, Nafarroako etorkinen eta euren jatorrizko herrialdetako ordezkarien arteko kontaktua gauzatu nahi da.
Hala ere, Bulegoa ez zaie etorkinei bakarrik zuzentzen, baizik eta, Nafarroako biztanleek inmigrazioari buruz aurkeztutako iradokizunak eta kezkak bilduko ditu (harrera biztanleak), eta etorkinek aurre egin beharreko planteamenduak eta arazoak jasoko ditu, bi sektoreen arteko "zubi" lanak egin ahal izateko.
Maria Jesús Vicente Goicoechea izango da Bulegoaren koordinatzailea eta aurreikusi denaren arabera, bertan 14 lagunek egingo dute lan: gizarte langileak, hezitzaileak, soziologoak eta administrazio langileak. Bezeroarenganako arreta telefonoa honakoa da: 948. 36 53 08.
Etorkinak Gizartean Barneratzeko Plana
Gogoratu behar da Nafarroako Gobernuak Etorkinenganako Arreta Bulegoa Etorkinak Gizartean Barneratzeko Planaren aurrera pausu bat bezala sortu zuela, Exekutiboak 2001eko ekainean onetsita. Era horretan, aipatutako bulegoa funtsezko tresna gisa eratu zuen Foru Gobernuak inmigrazioari buruz egiten dituen politika publikoak, planak eta programak sustatzeko eta koordinatzeko.
María Jesús Vicente Goicoechea gerenteaz eta langileez gain, Bulegoak zuzendaritzako elkargo-erakunde bat izango du. Lehendakaritza, Justizia eta Barne Departamentuko kontseilaria bertako burua izango da eta inmigrazioari buruzko Nafarroako eskumenen politikaren maisu-lanak ezarriko ditu. Honako Departamentu hauen zuzendari nagusiek ere, aipatutako batzordean hartuko dute parte: Barnea, Toki Administrazioa, Komunikazioa, Lurraldearen Antolamendua eta Etxebizitza, Eskola eta Lanbide Ikasketak, Unibertsitateak eta Hizkuntza Politika, Turismoa, Osasuna, Gizarte Ongizatea, Familia, Berdintasuna, Kirola eta Gazteria, Nekazaritza eta Abeltzaintza, Lana, Nafarroako Enplegu Zerbitzua, Justizia eta Zerga Ogasuna. Era berean, Bulegoak zerbitzu-gutun bat izango du, Lehendakaritza, Justizia eta Barne Departamentuko kontseilariak ontzat emana. Bertan, hiritarrei eskaintzeko konpromisoa hartu duen zerbitzu guztiak eta horiek betetzeko bermeak eta kalitateak bilduko dira.
