Castellano | Euskara | Français | English
Ezagutzera eman
Ikusi egun honetako albiste gehiago
Iruñeko Udala, AEHN, Tuterako "Volatin" Ordena, Sagrario Goñi Michelena, 33 Jatetxea eta "Entre Vinos" agentziak turismoko "Nafarroako Erresuma" turismo-sariak jaso dituzte asteazkena, 2007.eko otsailak 21
Nafarroako Turismoko kontseilua gaur Iruñean bildu da eta aipu berezia egingo dio Miguel de la Quadra Salcedo-ri
Nafarroako Turismo Kontseilua gaur Artxibo Orokorrean bildu da.
(
irudia handitu
)
Iruñeko Udala, Nafarroako Ostalaritza Enpresaburuen Erakundea, Tuterako "Volatin" Ordena, Sagrario Goñi Michelena turismo enpresa-burua, 33 Jatetxea eta "Entre Vinos" turismo enologikoko agentziari "Nafarroako Erresuma" saria egokitu zaie, modalitate desberdinetan. Nafarroako Turismo Kontseilua gaur Iruñean bildu da eta erabaki du Miguel de la Quadra Salcedo-ri aipu berezia egitea Foru Komunitatea esparru guztietan hedatzearen alde egindako ibilbidearengatik eta ekarpenarengatik.
"Nafarroako Erresuma" sarituak proposatzeaz gain, Nafarroako Turismo Kontseiluak sektoreak 2006. urte amaieran izandako datuak aurkeztu, garatutako jarduerak aztertu eta hurrengo hilabeterako proiektuak eta xedeak azaldu ditu.
"Nafarroako Erresuma" sarien bidez, turismo sektorearen alde nabarmen lagundu duten pertsonen eta erakundeen merituak saritu nahi dira. Nafarroako Turismo Kontseiluaren arabera, hauek dira irabazleen merituak:
Iruñeko Udala. "Azken urteotan, hiriko irudia eta turismo sektorea hobetzearen alde eginiko ekarpenarengatik, Nafarroako Gobernuaren laguntzarekin, Iruñeko Turismo arloko Plan Estrategikoaren bidez. Bertan, hiriak etorritakoak barne hartzeko gaitasuna eta dinamismoa hobetzen ari diren proiektuak garatu dira".
Nafarroako Ostalaritzako Enpresa-buruen Elkartea. "Bere ibilbidearengatik ez ezik, sektorea nabarmen suspertzen ari den hainbat proiektu ere abian jartzeagatik, besteak beste, kalitate sistemak ostalaritzako sektore desberdinetan ezartzea, osatzen duten elkarte desberdinak antolamenduaren zein sustapenaren esparruan sustatzea, edo Komunitatearen ekimen aitzindari berria, alegia, bere hotelak on-line erreserben zentralaren bidez merkaturatzea.
Tuterako "Volatin" Ordena. "30 urte baino gehiago dituen Erakunde honen helburu nagusia tradizioak sustatzea da. Ordenak Tuterako eta Erribera guztiko turismoaren garapenaren alde gogor egin du lan, bertako jaiak, biztanleak eta gastronomia aitortuz eta sustatuz. Ordenaren zaldunak hainbat ekitaldi antolatzeaz arduratzen dira, besteak beste: Barazkiak Goraipatzeko Jardunaldiak, Erraldoien kontzentrazioa, Santiagorako prozesioa, gabon-kanten jaialdia, eta zeremonia nagusiena: "Volatin". Azken hura interes nazionaltzat jo da".
Sagrario Goñi Michelena. "Turismoko enpresa-buru gisako ibilbidea 1995. urtean hasi zen, Beran kokatutako Olaseneko Borda izeneko etxea ustiatuz. Horretaz gain, Sagrario, 1999. urtetik, Hirurak Bat Landa Etxeen Erakundearen presidentea, Bertizeko Turismo Partzuergoaren kide aktiboa, Nafarroako Turismo Elkarteen eta Erakundeen Federazioko presidentea eta ASETUR Batzordearen (Espainiako Landa Turismoko Elkartea) kidea da. Bere ibilbidea, jarrera eta dinamismoari esker, saria irabazi du, Nafarroako Lan Turismoko erreferente eta aitzindaria izateagatik, izan ere, landa turismoaren alde eginiko lanak Nafarroa xedetzat finkatu du aipatutako esparruan".
Tuterako 33 Jatetxea. "Familia tradizioko jatetxe honen jatorria 52. urtean kokatzen da. Eskainitako zerbitzuarengatik eta gure gastronomiaren alde etengabeko lanarengatik, batez ere, Erriberako barazkiari dagokionez: beti kontu handiz tratatu dute, hamaika azterketa eginez, bai landareei berberei buruzkoak eta bai horiek prestatzeko erei buruzkoak".
"Entre Vinos". "Ekimen aparta honen helburua Nafarroako turismo enologikoa sustatzea da. Asteburuko turismoaren esparruan, artea, historia eta gastronomia uztartzen duten ibilbideak eskaintzen dituzte. 2005eko udaberrian, "Entre Vinos" turismo enologikoko agentziak Kataluniako CETT taldeko Almira sari ospetsua jaso zuen. Horretaz gain, The Great Wines Capitals Global Network-eko "Best of 2006" saria ere jaso du. Halaber, bere jarduerak eta filosofiak ondoko herrietan ere zabaltzen ari da, besteak beste, Errioxa, Euskal Herria, Aragoi eta Leon".
Kontseiluak erabaki du Miguel de la Quadra Salcedo-ri aipu berezia egitea "Nafarroako Foru Komunitatea esparru guztietan hedatzearen alde egindako ibilbidearengatik eta ekarpenarengatik".
Sari hauek Baluarte jauregian apirilean antolatuko den Turismoko Galan entregatuko dira. Hauek izan ziren iaz aipatutako saria irabazi zutenak: Aurizberri/Espinal Udalbatza, Burgiko Almadiazainen Elkartea, Erreka turismo zerbitzuetako enpresa, AC Hotels eta Tafallako Tubal jatetxea.
- Dokumentazioa:
- 2102cu31_eusk.doc
