Gobernuak Nafarroako Kirol Kontseiluaren osaera, antolaketa eta funtzionamendua arautu ditu astelehena, 2007.eko otsailak 26

Nafarroako Gobernuak, Gizarte Ongizate, Kirol eta Gazteri Departamentuaren bidez, foru dekretu bat onetsi du gaurko bilkuran Nafarroako Kirol Kontseiluaren osaera, antolaketa eta funtzionamendu araubidea arautzeko.

Gaur onetsitako foru dekretuak ezartzen duenez, organo honen helburu nagusiak dira kirol arloko eztabaida kualifikatuaren foro bat bultzatzea eta aipatu arlo berean gizarte partehartzea eta interakzioa sustatzea Foru Erkidegoan. Halaber, dekretuak dioenez, Nafarroako Kirol Kontseiluak 32 kide izanen ditu eta osoko Bilkuran edota batzorde iraunkorraren bidez jarduten ahalko du. Horrez gain, onetsitako testuak barneko antolakuntzari buruzko alderdiak arautzen ditu, hala nola lehendakaritza, kide desberdinen eginkizunak, akten altxatzea edo osoko bilkuren funtzionamendua.

Jar zaitez gurekin harremanetan | Erabilerraztasuna | Lege abisua | Webaren mapa