Castellano | Euskara | Français | English
Ezagutzera eman
Ikusi egun honetako albiste gehiago
“Nafarroa abian” erakusketaren ekitaldien agenda astebururako
ostirala, 2007.eko martxoak 9Foruaren Hobeagotzearen 25. Urtemuga ospatzeko Nafarroako Gobernuak antolatu “Nafarroa abian” Erakusketa zabalik egonen Baluarteko Erakusketa aretoan martxoaren 18ra arte, 11etatik 14etara eta 17etatik 21etara, asteko egun guztietan. Sarrera doakoa da.
Asteburu honetarako ondoko ekitaldi hauek programatuta daude:
- Larunbatean, martxoak 10, 18.00etan, ipuin kontalaritza: “Cuentos de risa con Luisa y Marisa”. “Kometak alde guztietatik hegaka” kontatuko dute. 25 haurrentzako plazak badira, 4tik 10era bitarteko urtekoentzat. Inskripzioa Erakusketan bertan edo telefonoren bidez (670 489511) egiten ahal da.
- Igandean, martxoak 11, 12.00etan, Valtierrako musika bandak kontzertu bat emanen du Baluarteko plazan (euria eginen balu Erakusketa aretoan). Sarrera doan.
Igandean ere, “Memory energético” eta “Antzara-jokoa” ingurumenoko tailerra eginen da, 17.30etatik 19.30etara. 4 eta 10 urte bitarteko 25 haurrentzako tokia badago. Inskripzioa Erakusketan bertan edo telefonoren bidez (670 489511) egiten ahal da.
Asteburuan zehar, erakusketaren ordutegi berean, haurrentzako trenetxoa ibiliko da Baluartetik kanpo.
Horrez landara, erakusketaren ohiko edukiak ikusten ahal dira: “Hemendik aurrera” hiru dimentsioko proiekzioa, segway zirkuitoa, garraio pertsonalendako ibilgailuak, Abiadura Handiko Trenaren moduloa, eta bideoak, ordenagailuak, panelak.
