150 aditu inguruk Europako automobilgintzako sektorearen etorkizunari buruzko gogoeta egingo du Iruñean ostirala, 2007.eko apirilak 13

Baluarte Auditoriak apirilaren 19an Europako hitzaldia hartuko du barne, ‘Lehiakortasuna, berregituraketa eta aldaketaren kudeaketa Europako automobilgintzako sektorean’

Iruñeko Baluarte Batzar Jauregia eta Auditoriak, hurrengo ostegunean, hilak 19an, Europako hitzaldia hartuko du barne, ‘Lehiakortasuna, berregituraketa eta aldaketaren kudeaketa Europako automobilgintzako sektorean’. Bertan, 150 adituk sektoreko etorkizunari buruzko gogoeta egingo eta euren ideiak adieraziko dituzte.

Hitzaldi hau ICARO Innovation CAR Opportunity Proiektuaren barruan kokatzen da. Horren helburua aurrerapen estrategia berritzaileak garatzea da, herri esparruan, automobilgintzako sektorearen aldaketa ekonomikoari eta berregituraketari aurre egiteko. Nafarroako Gobernuaren Lan Zuzendaritza Nagusiak sustatutako ekimen horren helburua sektore honen lehiakortasuna eta enplegua mantentzea da, egileen lankidetza erregionalaren eta transnazionalaren artean. ICARO Proiektua Nafarroan eta automobilgintza industria ezarri den beste bi herrietan garatzen da, Basilicata (Italia) eta Setúbal Penintsula (Portugal).

Europako Hitzaldiaren xedea gogoeta, eztabaida, praktika onen esperientzien aurkezpena, ezagutza eta ikaskuntza gune bilakatzea da. Hitzaldia administrazioetako, erakunde teknologietako, enpresa erakundeetako, agente sindikaletako politikariei, klusterrei, prestakuntza erakundeei eta enpresei eta sektoreko langileei zuzentzen zaie.

Lehenik eta behin hitzaldiaren osokoa antolatuko da, honako hauen parte-hartzearekin: Europako Batzordearen Enpresa eta Industria Zuzendaritza Nagusia; José Antonio Jiménez, Automobilgintzarako Fabrikatzaileen eta Osagarrien Espainiako Elkartearen zuzendari nagusia; CARS 21 Proiektuaren ordezkariak; eta Jesús Candil, Espainiako Industria Ministerioaren industria garapenaren zuzendari nagusia.

Hitzaldian bi saio paralelo garatuko dira. Lehenengoan, eztabaidatzeko gaia honakoa izango da: gizaki kapitala automobilgintzako sektorearen lehiakortasun faktore gisa eta bertan honako hauek hartu dute parte: Chirstina Brunkhorst, IG Metall sindikatuko (Alemania) Politika Sindikaleko Departamentuaren automobilgintzako sektorearen burua; Trades Union Congreso sindikatuko (Ingalaterra) ordezkari bat; Rogelio Mena, Metal, Eraikuntza eta UGT Kideen Federazioaren automobilgintzako sektorearen idazkari federala; eta Ramón Górriz, LK sindikatuaren Meategi-metalurgiako Federazioaren industria politikaren idazkaria.

Bigarren saio paraleloan aurkeztuko dira automobilgintzako sektorearen garapen erregionaleko ereduak eta estrategiak. Saio honetan honako hauek hartuko dute parte: Eva-Maria Längauer, ACStyria Autocluster-eko nazioarteko sareen proiektuen zuzendaria (Austriako Klusterra); Dusan Busen, GIZ ACS-eko zuzendaria (Esloveniako Klusterra); Giuseppe Russo, STEP Ricerche srl-en presidentea; eta BELCAR proiektuaren koordinatzailea (BenchLearning in Cluster Management for the Automotive Sector in European Regions).

Ondoren, hiru adituk aurreko hiru blokeen ondorioak aurkeztuko dituzte. Aditu horiek honakoak izango dira: Luis Reis, Inteligencia em Inovaçao-ekoa; Antonio Nicoletti, Sviluppo Italia Basilicata-ekoa; eta Fernando Llera Nafarroako Enpresaburuen Konfederaziokoa.

Arratsaldez, bi osoko bilkura antolatuko dira. Lehenengoan Europako automobilgintzako sektorearen aldaketa kudeatzearen esperientziei eta ikuspegiei buruz hitz egingo da. Saio horretan honako hauek hartuko dute parte: Jean-Charles Lievenes, KIA Motors Europe Grupo Hyundai konpainiaren lehendakariorde seniorra; Ignacio Martín, CIE Automotive konpainiaren kontseilari ordezkaria; Emilio Sáenz, Nafarroako Volkswagen konpainiaren zuzendaria; eta José Ignacio Murillo, KYB Suspensions Europe konpainiaren zuzendari nagusia.

Arratsaldeko bigarren osoko bilkura ICARO Proiektuari eta Sariei buruzkoa izango da eta bertan honako hauek hartuko dute parte: Brendan Sinnott, Europako Batzordearen Enplegu, Gizarte Gaiak eta Aukera Berdintasunen zuzendaritza nagusiko c/4 unitatearen burua; José Javier Armendáriz Quel, Nafarroako Gobernuaren Industria eta Teknologia, Merkataritza eta Lan Departamentuko kontseilaria; Cristina Urdánoz, ICARO Proiektuaren zuzendaria; eta José María Roig, Nafarroako Gobernuaren Lan Departamentuko zuzendari nagusia.

Dokumentazioa:: Berri osoa.doc

Jar zaitez gurekin harremanetan | Erabilerraztasuna | Lege abisua | Webaren mapa