Castellano | Euskara | Français | English
Ezagutzera eman
Ikusi egun honetako albiste gehiago
Nafarroako Ingurumen Baliabide Zentroak ingurumen boluntarioen lau jardunaldi antolatu ditu ekainaren asteburuetan
asteartea, 2007.eko maiatzak 29Nafarroako Ingurumen Baliabide Zentroak, Nafarroako Gobernuaren Ingurumen, Lurraldearen Antolamendu eta Etxebizitza Departamentuari atxikita, aurreikusi du ingurumen boluntarioen lau jardunaldi antolatzea ekainaren asteburuetarako. Jardunaldietan izen ematea doanekoa izango da eta ingurumen boluntarioak sustatzeko eta toki proiektuak koordinatzeko proiektuaren barne hartzen dira. Caja Navarra erakundeak sustatu ditu “Tú eliges: tú decides” ekimenaren bidez.
2003. urtean sortu zenetik, Nafarroako Ingurumen Baliabide Zentroa Nafarroako ingurumen arloko boluntarioak sustatzeaz, dinamizatzeaz eta hedatzeaz arduratzen den entitatea da.
Boluntarioak sustatzeko eta toki proiektuak koordinatzeko proiektuaren helburu nagusia Nafarroako gizartea ingurua hobetzeko ingurumen boluntarioen jardueretan parte hartzearen garrantziaz sentsibilizatzea da. Hain zuzen ere, hauek izango dira proiektuak:
- EKAINAk 2. Belaguako kontrabandisten bidea egokitzea. Honako lanak burutuko dira: seinaleak hobetzea, eskubandak ipintzea leku zailetan eta seinale bertikalak alanbrez egokitzea etxeko abereek ez botatzeko (behiak, zaldiak). Bide hura historikoko kontrabandistek erabili zuten, hau da, aldi baterako Zuberoan lan egiten zuten “enara” abarketariek. Horretaz gain, abereak Pirinioetako gainera eramateko abelbide gisa ere erabiltzen zen. Bideak Izabatik Arrakogitira doan bideak hartzen du barne, Frantziako mugan. Proiektuan Erronkariko Natura Interpretazio Zentroak, Izabako Cine elkarteak eta Erronkariko bestelako erakundeek hartuko dute parte.
- EKAINAk 9. Leurtza galtzada lehenera ekartzea, Doneztebe Urrotz eta Ultzama udal mugarteak. Sasitza garbituko eta zaborra bilduko da Leurtzako urtegietatik Zumardenako mendixkaraino (Ultzama) doan galtzada zaharrean eta Gorostieta gaineko (Orokietatik Saldiasera doan errepidea) eta Mugakosoroko (Ultzama) mendixkaren arteko zubiko bideetan. Lan hauetan Luertza eta Orgiko gune naturalek hartuko dute parte.
- EKAINAk 16. Arizakuneko gune naturala lehenera ekartzea (Baztan). Sumusukoborda Bentako inguruko garbiketa lanetan lagunduko da Behe Nafarroako mugatik gertu (Bidarrai), Urrizate ubide ondoan, hau da, basoen eta ubideen artean isolatutako leku bat, guztiz naturala. Bertan, Benta zahar honek eragindako hondakin ugari biltzen dira, eta Muga ondoko ehiztariak eta mendizaleak bertan elkartzen dira. Lan hauetan Baztango Udalak eta –Baztan-Berako Cedema-Garalur elkarteak lagunduko dute.
- EKAINAk 23. Salazar – Irati gune naturala lehenera ekartzea. Garatuko diren lanak oraindik zehaztu gabe daude.
Kasuan kasuko boluntario jarduera goiza guztian garatuko da eta arratsaldez ingurumen hezkuntzako horniketa bati bisita egingo zaio.
Parte hartzeko plazak mugatuak dira: 50 lagun. Horiei laguntza lanak garatzeko jarraibideak eta beharrezko tresnak emango zaizkie, eta istripu eta erantzukizun zibileko asegurua bermatuko zaie.
Era berean, doaneko garraioa eskura izango dute jardunaldia antolatzen den lekura joateko. Autobusa larunbatero goizeko 8:00etan aterako da Tres Reyes Hoteletik. Jardunaldi bakoitzetik itzultzeko ordua 18:00 inguru izango da. Parte-hartzaile guztiei gomendatzen zaie arropa erosoa, kirol edo trekking zapatilak eta bakoitzak kontsumitzeko ura eramatea..
Parte hartzeko, izena Ingurumen Baliabide Zentroan eman daiteke 948140818 telefonoaren bidez edo honako posta elektronikoan crana@crana.org
