Aurkeztu da Nafarroako Gobernuak 2007ko San Fermin jaietarako antolatutako hiritar segurtasun dispositiboa asteazkena, 2007.eko uztailak 4

Lehendakaritza, Justizia eta Barne kontseilariak, Javier Caballero Martínez, gaur goizean Nafarroako Larrialdietako Agentziako (NLA) bulegoetan, Iruñeko Agoitz kalean, aurkeztu du Nafarroako Gobernuak San Fermin jaietarako antolatutako hiritar segurtasun dispositiboa.

Caballero kontseilaria, gaur goizeko prentsaurrekoaren ostean. ( irudia handitu )

Aipatutako dispositiboan (jai horiek direla eta abian jarritako Iruñeko Babes Zibileko Plan Bereziaren barne sartzen da), bai Foruzaingoa eta bai Nafarroako Larrialdietako Agentziak efektibo eta baliabide ugari ekarriko dituzte jaiak normaltasunez garatu ahal izateko, hiritar guztien segurtasuna eta askatasuna bermatuz.

Caballero kontseilariak azpimarratu ditu abian jarritako NLAko bulego berriak eta Sos Nafarroa 112 koordinazio zentroa, zehazki. Horietan, San Fermin jaietan, segurtasun eta larrialdietako dispositibo desberdinen koordinazioaren zentro neuralgikoa garatuko da, eta nabarmendu du "hiritar guztiek, edozein gertaeraren aurrean, 112 telefonora jo dezaketela, bertatik, jazoera bakoitza artatzeko beharrezko baliabide guztiak aktibatuko baitira".

Guztira, 350 foruzain izango dira egunero Iruñeko kaleetan

San Fermin jaietarako Foruzaingoaren dispositibo bereziak egunero 350 efektibo baino gehiago mobilizatuko ditu goizeko, arratsaldeko eta gaueko txandetan, funtsezko bost helburuekin: bideko segurtasuna bermatzea Iruñera daramaten errepideen erregulazioaren eta zaintzaren bidez, Guardia Zibila eta Udaltzaingoaren laguntzarekin; hiritarren segurtasuna bermatzea; segurtasuna sendotzea jaietako ekintza zehatzetan arriskua izategatik; delituen eta salaketen ikerketari bide ematea, hiritarrak arreta hurbila eta eraginkorra jasotzea bermatuz; eta, azkenik, zezen ikuskizunen administrazio poliziaren zereginak burutzea, Zezen Plazaren beraren barne eta kanpo segurtasuneko berezko lanez gain, Miserikordia Etxeak berak ondorio horretarako eskaintzen dituen zerbitzuen laguntzarekin.

Zabaldutako errekurtsoei dagokienez, nobedade nagusiena Iruñeko Udaltzaingoari eta Poliziako Gorputz Nazionalari lagunduko dion hiritar segurtasun arloko dispositibo handia izango da. Hiritar Esku-hartze eta Babes sailetako agenteek oinez eta ibilgailuz patruilatuko dute, eguneko 24 orduz, jaiaren erdigunean (Gaztelu Plaza, Sarasate Pasealekua, Estafeta - Alde Zaharra eta Bigarren Zabalgunea). Horrekin, prebentziozko zaintza sendotu eta hiritarrek edo ofizioz egindako eskakizunen aurrean jardun nahi da.

Hiritarrenganako arretarekin lotutako beste indar gunetako bat Nafarroako Jauregiko HIritarrenganako Arretako Bulegoa da, Gaztelu Plazako arkupetan. Aipatutako bulegoak bost postu izango ditu, eta horietan, goizeko, arratsaldeko eta gaueko txandetan, uztailaren 6 eta 15 artean, artatuko dira poliziaren esku-hartzea beharrezkoa duten intzidentziak. Akatsen edo delituen batzordearen salaketak jasotzeaz gain, bulego horietatik Iruñeko Udalaren Hiritarren Babes Arloarekin batera, galdutako objektuen bilketan lagunduko da.

Foruzaingoaren Agenteak goizero, Iruñeko Udaltzaingoaren laguntzarekin, entzierroa antolatzeaz arduratuko dira, Tejeria-Telefonica-Zezen Plazako zatian, eta arratsaldez, berriz, Foruzaingoak (Joko eta Ikuskizunen Dibisioa) zezen jaiak behar bezala garatzeaz eta ordena kalean zein Zezen Plazan mantentzearen alde egingo du. Azpimarratu behar da Foruzaingoak San Fermin jaietako Zezen Azokan Foruzaingoak garatzen duen Aginte Ordezkariaren berezko zereginak, laburbilduz, honako akten bitartez garatuko dira: lehorreratzea, abelburuak pisatzea, albaitariekin batera azterketa egitea, sortak zozketatzea, abelburuak baztertzea, ezten-hagak ikuskatzea, banderillak eta bularrekoak, Presidentea laguntzea korridan, ordena kalearen barruan, entregatutako sariak kontrolatzea eta Nafarroako Zezen Araudiaren arau-hausteak salatzea.

Era berean, Zezen Plazaren inguruak kontrolatuko dira zezen korridarako sarrerak berriz ez saltzeko. Legez kanpoko jarduera hori atzemanez gero, sarrerak salaketa aktaren bidez hartuko dira, eta ondoren Iruñeko Udalera bidaliko da dagokion espedientea ireki ahal izateko.

Bestalde, Trafiko Dibisioaren berrogei patruilek Nafarroako hiriburuan sartzeko errepide nagusiak zainduko dituzte eta alkoholemia ea beste drogetako prebentzio dispositiboak ezarriko dituzte, baita abiadura kontrolekoak ere, jaietako egun guztien 24 ordutan (uztailaren 5etik 15era arte, biak barne). Horretaz gain, radar bitarteko abiadura kontrolek ere garrantzi berezia izango dute, bai estatikoak eta bai patruila ibilgailuetako eta kamuflatuetako dinamikoak. Gainontzeko kontrolak -garraioak, bide segurtasuna- ohikoak izango dira, Iruñeko inguruetan eta eraginpeko zonaldean zentratuta izan arren.

Dokumentazioa:: Berri osoa.doc; Consejos de seguridad ciudadana para Sanfermines

Jar zaitez gurekin harremanetan | Erabilerraztasuna | Lege abisua | Webaren mapa