Castellano | Euskara | Français | English
Ezagutzera eman
Ikusi egun honetako albiste gehiago
Nafarroako Etxeek ere San Fermin jaiak ospatuko dituzte hurrengo egunetan osteguna, 2007.eko uztailak 5
Espainiako beste herrietan eta beste herrialdetan existitzen diren Nafarroako Etxeek hurrengo egunetan Nafarroako zaindari kidearen jaiak ospatuko dituzte, San Fermin, alegia. Entitate horiek, jai hauek direla eta, sustatutako kultur jardueretako batzuek Nafarroako Gobernuaren diru-laguntzak jaso dituzte.
Manuel Turrillas Fanfarrea.
(
irudia handitu
)
Rosario (Argentina). Paraná ibai ertzean kokatutako hiri honetan txupinazoa larunbatean jaurtikiko da, uztailak 7, 13etan, eta Radio Rosario LT8 irratiko Horizonte Español irrati-saioa zuzenean emango dute Nafarroako Etxeko lokal sozial honetatik. Manuel Turrillas Fanfarrearen eta erakundeko Nafarroako dantzen taldeko zuzeneko saioak izango dira. Arratsaldez folklore ikuskizun bat eta San Fermin irudiaren prozesio bat antolatuko dira.
Era berean, astean zehar kultur jarduerak eta mus txapelketa bat antolatuko dira. Uztailaren 9an Argentina jaieguna da, eta zuzenean, etxean ipinitako pantaila batean Iruñeko entzierroa jarraituko dute. Hura, Argentina eta Espainia arteko ordutegiaren desberdintasuna dela eta, goizeko hiruretan izango da, eta ondoren, baratxuri-zopa banatuko da. Ostiralean, uztailak 13, lore-eskaintza bat egingo da Pablo Sarasate jaunaren monumentuan, La Bandera Parke Nazionalean, eta ondoren, kanpoko nafarrei buruzko hitzaldi bat eskainiko da, Rosa María Ibáñez andrearen eskutik, Espainiako Nafarroako Etxeen Federazioaren presidentea. Azkenik, larunbatean, uztailak 14 eta igandean, uztailak 15, dantza taldeko emanaldi artistikoak, meza San Ferminen omenez Rosarioko katedralean, eta oturuntza eta amaierako dantza antolatuko dira. Ospakizun honen amaiera uztailaren 28 eta 29an izango da. Egun horietan, "Reyno de Navarra" pilotalekuan Argentinako "Trofeo San Fermín" pala motzeko txapelketa antolatuko da, munduko txapelketarako aurre sailkatutako jokalariekin.
Buenos Aires (Argentina). Buenos Aireseko Nafarroako Etxeak uztailaren 7an meza bat ospatuko du San Fermin Parrokian. Ondoren, dantzen taldeko emanaldi bat ikusi ahal izango da. Igandean, uztailak 8, otoruntza bat antolatuko da agintari nazional, kontsulekoak eta Espainiako agintariekin. Etxeko dantza taldeak jaia alaituko du ospakizunaren hainbat unetan.
Bolívar (Argentina). Bolivarreko Nafarroako Etxeak, ostiralean, uztailak 6, mus txapelketa bat antolatuko du, eta uztailaren 7an, berriz, San Ferminen omeneko meza bat San Carlos Borromeo parrokian. Ondoren, dantza taldeak emanaldi bat eskainiko du bertako plaza nagusian, eta bitartean txupinazoa jaurtikiko dute. Dantza batek eta egoitza sozialean antolatutako dantza batek programari amaiera emango diote.
Txile. Txileko Nafarroako Etxeak San Fermin jaiak igandean antolatuko dituzte, uztailak 8. Bertan, mezu bat ospatuko dute Santiagoko Espainiako Estadioan, eta ondoren, bertako dantza nafarren taldeak emanaldi bat eskainiko du eta anaitasuneko bazkari bat antolatuko da. Ospakizunean zehar, sariak entregatuko zaizkie mus txapelketako irabazleei eta Francisco Otondo aurkeztuko da Nafarroako kolektibitatearen presidente berri gisa.
Madril. Madrileko elkarte nafarren kideak ostiralean bilduko dira, uztailak 6, 12etan, San Fermin de los Navarros elizako fatxadan. Bertan, dorreko kariloiean Nafarroako himnoa entzungo dute eta ondoren txupinazoa jaurtikiko dute. Gero, musikaz eta aperitibo batez gozatu ahal izango dute. Larunbatean, uztailak 7, 20etan, eliza berberean, meza handia ospatuko dute Nafarroako zaindari kidearen omenez, eta bertan, abesbatzak Meza nafarra abestuko du. Ondoren, agape bat eskainiko da musikaz eta abestiez lagunduta.
Zaragoza. Nafarroako Etxeko bazkideak eta lagunak ostiralean bilduko dira, uztailak 6, 12etan, Santiago kalean kokatutako euren egoitzan, txupinazoa jaurtitzeko eta musikaz eta aperitibo batez gozatzeko. 20etan, ondoko Pilar plazan, Buñueleko musika bandak, Jesús María Santos Villafranca jaunak zuzenduta, kontzertu bat eskainiko du.
Valladolid. Valladolideko Kultur Etxeak eta Nafarroako Etxeak bere bazkideei eta lagunei deialdi bat egin die uztailaren 6an, 12etan, gizarte egoitzan biltzeko, eta bertatik txupinazoa jarraitzeko, cavarekin topa egiteko eta bazkari bat antolatzeko. Uztaiaren 7an, San Ferminen omenezko mezara joango dira eta anaitasun afari bat antolatuko dute.
A Coruña. A Coruñako Nafarroako Etxe Erregionalak barrutiko bonbak jaurtikiko ditu Hercules dorretik gertuko parke batean, uztailaren 7an, 12etan eta Monte Alto mendiko kilo su-hiltzaileen taldeak bertan hartuko du parte. Ondoren, bazkari bat izango da txurraskoarekin, txistorrarekin eta txorizoekin, eta bertan, zapi gorriak banatuko dira.
Murtzia. Murtziako Euskal Herriko Kultur Etxeak uztailaren 6an afari bat antolatuko du. Menua honela osatuko da: Erriberako menestra, gulak txirlekin, Cuencako ajoarrieroa, eta muxika eguzki tendiduko ardoarekin. Gaueko hamabietan San Ferminen omenez topa egingo da eta txupinazoa jaurtikiko da.
Burgos. Burgoseko Nafarroako Etxeak uztailaren 5erako mus txapelketa bat antolatuko du, eta ondoren, parte-hartzaileei afari bat eskainiko die. Uztailaren 7an, meza bat ospatuko da San Ferminen omenez, Gaztelako Trobadoreek abestuta La Merced elizan, eta ondoren anaitasun bazkari bat izango da Ciudad de Burgos hotelean.
Sevilla. Sevillako Nafarroako Etxeko bazkideak uztailaren 6an bilduko dira, 12etan, Templete tabernan, bertan Andaluziako osasuna lagun-taldeak bere egoitza soziala baitu. Bertan txupinazoa ospatuko dute. 20,30ean, meza bat antolatuko da San Ferminen omenez Padres Blancos elizan, eta ondoren, anaitasun afaria izango da El Candil jatetxean.
