2,4 milioi eurotako inbertsioak ontzat eman dira erdialdeko Nafarroako sei herritarako ostirala, 2007.eko uztailak 13

Nafarroako Gobernuaren Toki Administrazioko kontseilariak, Alberto Catalán Higueras, 2.478.539,34 euroko inbertsioak ontzat eman ditu, Tokiko Azpiegituren Planaren diru-laguntzarekin erdialdeko Nafarroako sei herritan burutuko diren azpiegituretako lanetarako. Aipatutako Planak 1.973.933,62 euroko diru-laguntza orokor bat hartzen du barne.

Faltzesko Plaza nagusia. ( irudia handitu )

Ondoren, alfabetoaren hurrenkeraren arabera, diru-laguntza eman zaien herriak aipatzen dira eta, parentesien artean, berriz, diru-laguntzaren zenbateko osoa.

Berbintzana: proiektuaren barne gorotz eta horniketako sareen berrikuntza hartu da baren, baita euri-uretarako hodi biltzaile bat eraikitzea eta Belena Baja kalea zolatzea ere. Sareek 38.258,63 euroko laguntza bat eta 18.862,9 euroko inbertsio bat dute. Saneamenduari dagokionez, 250 mm diametroko PVC tutueria bat ipiniko da, eta horniketarik dagokionez, berriz, 80 mm dituen galdaketa tutueria bat. Euri-uren sareak 315 mm dituen PVC tutueria bat izango du.

Zoladura ere proiektuaren barruan sartu da, Nafarroako Gobernuaren 28.768,29 laguntzarekin eta 41.097,55 euroko inbertsioarekin. 18 cm dituen hormigoizko azaleko geruza batekin egingo da, zagor artifizialen oinarri pikortsu baten gainean.

Zarrakaztelu: Planak 509.552,79 euroko laguntza bat ontzat eman du (636.940,99 euroko inbertsio baterako). Proiektua, oro har, honakoan datza: zabortegiaren goiko aldea zigilatzea eta azaleko urak biltzea eta bideratzea. Horretarako, zabortegiko 34.494,20 m3 hondakin mugitu behar da nahita nahiez, 4.560,00 m3 errekari hornitzea, geotextila ipintzea, belardia sortzea hormigoizko areka bat eraikitzea.

Faltzes: herri honetarako 372.327,81 euroko laguntza bat eman da, 260.629,47 euroko inbertsioari dagokionez, Eustaquio Díaz, Eladio García y Castro Abajo eta Clemente Añorbe kaleak zolatzeko.

Obrak aipatutako kaleetan existitzen diren zoladura berritzean dautza. Galtzadan 18 cm lodiera duen hormigoizko zoladura bat egingo da, 25 cm-ko zagor artifizialaren oinarri pikortsu baten gainean. Espaloiak berritzeko aurretik fabrikatutako galtzada-harria ipiniko da 15 cm lodiera duten oreko hormigoizko oinarri gainean finkatuta. Euri-urak zeharkako malda baten bidez kanporatuko dira, hormigoizko erdiko ubide baterantz. Bertan, 40 x 40 x 4 cm-ko estolda-zuloak jarriko dira. Estolda-zulo horiek 200 mm diametroko PVX tutueria baten bidez, euri-uren hodi-biltzaile batera konektatu dira

Larraga: 2005-2008 Toki Azpiegituren Planak 334.509,77 euro eskaini ditu (554.330,47 euro) sareak berritzeko eta San Miguel, San Andrés, Calleja Otano, Berbintzanara daraman errepidea, Planeta eta Plaza el Alto kaleak zolatzeko lanetarako. Horniketa sarea 100 eta 80 mm diametroa duten galdaketa tutueriekin egingo da, eta saneamendu sarea, berriz, bereizita izango da, 250 mm diametroa duten PVC tutueriekin hodi-biltzaileetarako eta 160 mm hartuneetarako.

Aurreikuspenen arabera, zoladura hormigoiez egingo da galtzadetan, eta galtzada-harriez maila berberean eraikiko diren alboetako espaloietan. Proiektuaren barne sartu dira argiaren, energia elektrikoaren eta gasaren kanalizazioak lurperatzeko lanak. Aurrekontua 595.600,49 eurokoa da eta laguntza, berriz, 416.920 eurokoa.

Melida: Nafarroako Gobernutik 58.050,96 euroko diru-laguntza bat jaso du (96.198,73 euroko inbertsio bat finantzatzen lagundu du), Sol eta Castillo kaletako zoladurak eta bide-zoruak berritzeko eta konpontzek lanetarako. Egungo zoladurak eraitsi ondoren, galtzada artekatuko da eta inprimatutako hormigoizko geruza bat zabalduko da 20 cm-ko zagor artifizialeko oinarri baten gainean.

Proiektatutako zoladurak 80.454,37 euroko laguntza bat jaso du 114.934,81 euroko inbertsio baterako. Hura ere inprimatutako hormigoizkoa izango da, galtzada-harri erromatarra kopiatzen duen akabera batekin espaloietan, eta 20 cm lodiera duen hormigoizkoa, talotxatutako akaberarekin galtzadetan. Euri-urak zeharkako arrapalaren bidez kanporatuko dira galtzadaren erdialderantz eta estolda-hobietarantz. Azken horiek euri-uren hodi-biltzailera konektatuko dira 160 mm diametroko PVC tutueria baten bidez. Horretaz gain, kaltetutako kaleetako zerbitzuak lehenera ekarriko dira, bereziki argien kanalizazioak.

Olite: 89.867,18 euroko laguntza batekin eta 148.922,75 euroko inbertsio batekin, Erriberri eta Chino urbanizazioen uren banaketako eta gorotz saneamenduko sareak berrituko ditu. Ura banatzeko 150, 100 eta 80 mm diametroko tutueria, etxez etxeko 20 hartune, 2 sute-aho, eten eta ur-hartuneko 20 balbula zabalduko dira. Gorotz-uren saneamenduari dagokionez, 315 eta 250 mm diametroko PVC tutueriak, erregistroko 10 putzu eta etxez etxeko 31 hartune ipiniko dira.

Erriberri Urbanizazioko ondorengo zoladurak 1.300 m² azalari eragingo dio. Zoladura 4 cm-ko lauzarekin egingo da, 12 cm-ko zementuzko oinarri gainean. Horretaz gain, El Chino urbanizazioko zoladurari ere ekin egingo zaio. Bertan, 18 cm hormigoizko geruza bat zabalduko da . 870 m² azaleraren gainean, eta hormigoizko galtzada-harriak ipiniko dira 1.125 m² azaleraren gainean. Baita aurretik fabrikatutako zintarriak eta ubideak ere. Diru-laguntza 176.317,48 eta inbertsioa 251.882,11 eurokoa dira.

Jar zaitez gurekin harremanetan | Erabilerraztasuna | Lege abisua | Webaren mapa