(Edukira Joan)

Logotipo navarra.es

Castellano | Euskara | Français | English

Edukirako tresnak

Ezagutzera eman

  • Meneame
  • Delicious
  • Twitter
  • Google
  • Facebook

Ikusi egun honetako albiste gehiago

Sanz Presidenteak lehen mailako osasun arreta eta medikamentuen eskuragarritasuna lantzen dituen VITA mintegian parte hartzen duten sei herrialde afrikarretako osasun arloko 22 profesional hartu ditu osteguna, 2007.eko irailak 27

Nafarroako Gobernuak azken bost urteotan 20 milioi € bideratu ditu Afrikara, garapenerako lankidetzarako


Sanz Presidentea, mintegian parte hartu duten pertsonekin eta agintariekin. ( irudia handitu )

Miguel Sanz Sesmak, Nafarroako Gobernuko Presidenteak, lehen mailako osasun arretarako eta medikamentuen eskuragarritasunerako garapen-estrategiari buruzko VITA mintegi aurreratuaren bigarren edizioan parte hartzen duten Afrikako sei herrialdeetako osasun arloko 22 profesional hartu ditu gaur.


Nafarroako Jauregiko Tronu Aretoan burutu den ekitaldian Familia, Gazteria, Kirol eta Gizarte Gaietako kontseilari Maria Isabel Garcia Malok eta Nafarroako Unibertsitate Publikoko Nazioarteko Harreman eta ikasleen errektoreorde Javier Casali Sarasibarrek hartu dute parte.


Sanz Presidenteak mintegian parte hartu duten pertsona guztiei egiaztatzeko diploma bana entregatu ostean, zera adierazi du: "mintegi honek eskaintzen dituen aukerek ezagutza tekniko espezializatuetan sakontzen laguntzeaz gain, herri eta kultura guztien arteko adiskidetasun harremanak hobetzeko modu bikaina da. Hala, elkar ulertzean eta guztion artean arazo orokorrei aurre egitean oinarritutako eguneratze-sareak sortzen dira".


Miguel Sanzek Afrikako osasun egoera larria ere aipatu du, eta azpimarratu du gazteek duten lan aukera faltak, genero ezberdintasunek, urbanizatze azkar eta planifikaziorik gabeak, deforestazioak, geroz eta ur eskasia handiagoak eta HIESa oso zabalduta egoteak, oztopo nagusi izaten jarraitzen dutela. Horregatik, ezinbestekoa da gai orokorrak lantzea; hala nola, garapenaren finantzazioa, medikamentuen eskuragarritasuna edo hezkuntza eta osasunaren arteko harremana. Azkenik, Sanz Presidenteak zera adierazi du: "nazioarteko adostasunarekin bat etorriz, nire ustez, zuek egunotan lanean ari zareten moduan, lehen mailako osasun arretako estrategiaren aldeko apustu argia egitea, gakoa izan daiteke helburu hori lortzeko".


Mintegiko parte-hartzaileen ordezkari gisa, Kianda Fundazioko Teresa Wairimuk parte hartu du. Esker oneko hitzak izan ditu Sanz Presidentearentzat, emandako laguntzarengatik, eta baita mintegia antolatu duten entitateentzat ere, berau posible egin izanagatik; izan ere, berak adierazi duenez, saioetan, jatorrizko herrialdeetan praktikan jarriko diren ezagutza asko bereganatu baitituzte.


Era berean, gogorarazi behar da, Etiopia, Kenya, Tanzania, Uganda, Nigeria eta Liberiako profesionalek parte hartu duten mintegi hau, hilaren 17an hasi zela eta bihar amaituko dela. Nafarroako Gobernuak antolatu du Familia, Gazteria, Kirol eta Gizarte Gaietako departamentuaren bitartez, Nafarroako Unibertsitate Publikoaren, Nazioarteko Lankidetzarako Nafarroako Agentziaren eta SAyDES eta Farmacia Siglo XXI GKE-en lankidetzarekin.


Bi asteotan zehar, lehen mailako osasun arretaren kudeaketaren eta medikamentuen erabilera zentzudunaren alderdi garrantzitsuenak aztertu dira, osasun-sistema publiko eta eraginkor baten euskarri eta berme gisa ezinbestekoak direlako. Gainera, baliabide gutxiagoko herrietan kalitate oneko medikamentuen eskuragarritasuna eta prezio egokiak landu dira, medikamentuen zentzuzko erabilera deituriko esparruan. Horrez gain, honakoak ere aztertu dira: familiaren eta komunitatearen oinarrizko osasun-printzipioak, lehen mailako osasun-arretarako lantaldearen elementu nagusiak, haurrentzako, emakumeentzako, pertsona helduentzako eta hirugarren adinekoentzako oinarrizko osasun-programak, Osasunaren Mundu Erakundearen oinarrizko medikamentuen zerrendaren eguneratzea, faltsututako medikamentuen nazioarteko egoera eta medikamentuen emate eta patenteak.


Nafarroako Gobernuak azken bost urteotan 20 milioi € bideratu ditu Afrikara, garapenerako lankidetzarako


2002 eta 2006 urteen artean, Nafarroako Gobernuak 20 milioi euro bideratu ditu Afrikara, garapenerako lankidetza proiektuak garatzeko. Hori, Foru Komunitateak denboraldi horretarako bideratzen dituen garapen orokorrerako laguntzen %29a da (70 milioi euro baino gehiagoetan balioetsitakoa). Zentzu horretan, adierazi behar da ekintza sektoreen arabera, Nafarroako Lankidetzaren zeharkako ekintza ildoei jarraituz, oinarrizko gizarte-beharrak (hala nola, osasuna, hezkuntza, ur hornikuntza eta beste gizarte-zerbitzu batzuk) asetzearekin lotutako sektoreetara bideratutako garapen-laguntza ofiziala lehenesten da. Sektore nagusia osasunarena da. Hain zuzen ere, 2002-2006 bitartean, 14 milioi euro bideratu dira (%20) laguntza jasotzen duten munduko herrialde guztietako proiektuetara.

Dokumentazioa:
Berri osoa.doc

Nafarroako Gobernua

Jar zaitez gurekin harremanetan | Erabilerraztasuna | Lege abisua | Webaren mapa