90.403 ikaslek ikasten dute Nafarroan 2007-2008 ikasturtean, aurreko ikasturtean baino 1.424 gehiago ostirala, 2007.eko urriak 19

%63k ikastetxe publikoetan ikasten du eta %36k, berriz, ikastetxe itunduetan

2007-2008 ikasturtean, Nafarroan 90.403 ikasle matrikulatu ziren irakaskuntza ez unibertsitarioan. Matrikulatutako ikasle-kopurua 2006-2007 ikasturtearen amaieran 88.979 ikaslekoa zen; beraz, 1.424 matrikulazio gehiago egon da, hau da, %1,6 gehiago.

Horietatik, 57.427 ikaslek 244 ikastetxe publikoetan ikasi zuten (%63,52) eta 32.976 ikaslek, berriz, (%36,48) 67 ikastetxe itunduetan. Hori adierazi du Hezkuntza kontseilari Carlos Pérez-Nievas jaunak, gaur goizeko prentsaurrekoan matrikulazioari buruz eskainitako datuetan.

Matrikulazio datuak

Haur Hezkuntzaren 2. zikloan 19.240 ikasle matrikulatu dira; hau da, %21,28. Lehen Hezkuntzan 35.805 ikasle matrikulatu dira, alegia, %39,89. Derrigorrezko Bigarren Hezkuntzan 21.334 ikasle daude, hau da, %23,60. Batxilergoan 6.355 ikasle daude, %7,03; eta erdi eta goi mailako heziketa zikloetan, 6.060 ikasle matrikulatu dira. Horiei dagokien ehunekoa %6,7koa da. ( "1. TAULA").

Matrikulazioa hizkuntza ereduen arabera

Ereduen arabera, hurrengoa da matrikulatutako ikasleen kopurua: G ereduan (hau da, guztiz gazteleraz) 50.686 ikasle, hau da, %56. A ereduan (hau da, euskara ikasgai gisa) 16.966 ikasle, %19. British ereduan, dagoeneko, 1.325 ikasle daude, alegia, %1. B ereduan (%40 euskaraz eta %60 gazteleraz) 114 ikasle daude. D ereduan, 21.312 ikasle matrikulatu dira, %24a osatuz. (2. TAULAN kopuru hauek ikus daiteke banakatuta).

Ikus daitekeen bezala, gaztelerako ereduan ikasten duten ikasleen ehunekoa nabarmenena da, %56 baita. Hala ere, ikusi da hizkuntzadun ikaskuntza aukeratzen duten eskola-haurren kopurua igo egin dela. D ereduko kopurua, hasierako mailetan, goi mailetako ikasleen kopurua baino handiagoa da, eta horrek adierazten du eredu hori aukeratzen duen biztanleen kopurua gora egiten ari dela.

Matrikulazioaren datuak jasotzen dituen taula

Dokumentazioa:: Berri osoa.doc

Jar zaitez gurekin harremanetan | Erabilerraztasuna | Lege abisua | Webaren mapa