Castellano | Euskara | Français | English
Ezagutzera eman
Ikusi egun honetako albiste gehiago
Nafarroako Herri Lan Departamentuko kontseilaria Errioxako homologoarekin bildu da bi komunitateetan eragina duten errepideak hobetzeko proiektuei buruz hitz egiteko
osteguna, 2007.eko azaroak 15LR-131 eta NA-134 errepideak Errioxako Cantabria industrialdetik Nafarroako Las Cañas industrialdera bitartean berritzeko proiektua eta Iruña-Madril N-113 errepideko Castejóngo ipar sarbidea hobetzeko proiektua dira.
Bi kontseilariak, Antonino Burgos eta Laura Alba. l consejero Burgos y la consejera Alba.
(
irudia handitu
)
Laura Alba Cuadrado Nafarroako Gobernuko Herri Lan, Garraio eta Komunikazio Departamentuko kontseilaria eta Antonino Burgos Navajas Errioxako Gobernuko Etxebizitza eta Herri Lan Departamentuko kontseilaria Iruñean bildu dira gaur goizean bi komunitateetan eragina duten errepideak berritzeko proiektuen egoera aztertzeko. Proiektu horiek Nafarroak eta Errioxak 2006ko abenduaren 11n sinatutako lankidetza protokoloan daude jasota.
Lehenengoa LR-131 eta NA-134 errepideak Errioxako Cantabria industrialdetik Vianako (Nafarroa) Las Cañas industrialdera bitartean berritzeko proiektua da. Bigarrena, berriz, Iruñea-Madril N-113 errepideko Castejóngo (Nafarroa) ipar sarbidea egokitzeko eta hobetzeko proiektua da (7+620 kilometroan).
Bi proiektuen helburua errepide tarte horietan istripuak izateko arriskua murriztea da, eta baita bide zerbitzuaren ezaugarriak hobetzea ere.
Bi komunitateen arteko lankidetza protokoloak bi administrazioen eskumenekoak diren eremuetan batera jarduteko beharrean du jatorria. Protokoloan hitzartu zenez, Nafarroako Gobernuak proiektatu, egin, zuzendu eta finantzatuko du Castejóngo proiektua, Errioxan dagoen errepide tartea barne. Era berean, Foru Komunitateak kudeatu eta finantzatuko ditu LR-131 eta NA-134 errepideak berritzeko proiektuko lanetarako Nafarroan egin beharreko desjabetzeak.
Errioxako Gobernuak, berriz, Vianako proiektua egingo du eta lanak egin eta ordainduko ditu, Nafarroan dagoen errepide tartea barne. Era berean, Castejónen egin beharreko lanetarako beharrezkoak diren lursailak Nafarroaren esku utziko ditu.
