Tuterako "Real Casa de Misericordia" Fundazioarekin ituna sinatzeko baimena eman du Gobernuak osteguna, 2007.eko abenduak 27

Nafarroako Gobernuak baimena eman dio Familia, Gazteria, Kirol eta Gizarte Gaietako Departamentuari, Tuterako "Real Casa de Misericordia" Fundazioarekin ituna sinatzeko.

Itunaren berritasun nagusia, aurrekoarekin alderatuz gero, plaza kopurua mendeko pertsonen beharrizanetara egokitzea aurreikusten duela da, Gizarte Zerbitzuen Zorroari eta Mendekotasunaren Legeari jarraiki.

Beraz, kontratuan mendekotasun kontzeptua gehituko dute, Gizarte Zerbitzuei buruzko 15/2006 Foru Legearen eta mendekotasun egoeran dauden pertsonen autonomia sustatzeko eta laguntza emateko 39/2006 Legearen arabera, eta zerbitzu zorroaren zirriborroan aintzat hartutako mendekotasun mailen araberako zerbitzua emanen dute, bermatutako zerbitzu gisa, hirugarren adinekoentzako egoitza plazei dagokienez (III. maila -mendekotasun handia- eta II.II. maila -mendekotasun larria, II. gradua-). Hartara, lege eskakizunei aurrea hartuko zaie.

Gainera, 15 egoitza plaza gehiago eskainiko dituzte, behar handiena duten mendeko pertsonei zerbitzua emateko (gaur egun 75 plaza daude, eta etorkizunean, 90 izango dira), Foru Komunitateko zerbitzu zorroaren zirriborroari jarraiki. Hortaz, plaza kopuruak gora eginen du.

Era berean, Eguneko Zentroa irekita egonen den egun kopuruak ere gora eginen du. Astelehenetik ostiralera zabalduko dute, mota bereko gainerako itunpeko zentroen ordutegi berarekin, eta erabiltzaileen garraio egokitua eta lagundua bermatuko dute. Eguneko Zentroko garraioaren finantzaketa itunean sartuko dute (160,59 €/hilabete, plaza bakoitzeko, tarifa publikoen erregimenean onartutako ordainketa irizpideen arabera: %60, Nafarroako Mendekotasun Agentziak –ANDEP-; eta %40, erabiltzaileak).

Dokumentazioa:: Berri osoa.doc

Jar zaitez gurekin harremanetan | Erabilerraztasuna | Lege abisua | Webaren mapa