Castellano | Euskara | Français | English
Ezagutzera eman
Ikusi egun honetako albiste gehiago
Bideko Ama Birjina Ospitaleak ginekologia eta pediatriako larrialdietarako eraikin berria egitea aurreikusten du asteartea, 2008.eko otsailak 12
Eraikin berriaren azalerak gaur egungo zerbitzuarena hirukoiztuko du, eta bertako guneak artepeneko eskakizun berrietara eta gaixoaren erosotasunari buruzko estandar berrietara egokitzeko moduan diseinatuko dute
Ezcurdia, Boneta eta Bernaola proiektuaren aurkezpenean.
(
irudia handitu
)
Osasunbidea-Nafarroako Osasun Zerbitzuaren ospitale sareko Bideko Ama Birjina Ospitaleak (Iruñea) Ginekologia eta Pediatriako Larrialdietarako eraikin berria egitea aurreikusten du. Hartara, zerbitzuaren gaur egungo azalera hirukoiztu eginen da (439 m2-tik 1.237 m2-ra igaroko da). Proiektuaren helburua guneak artepeneko eskakizun berrietara eta gaixoaren erosotasunari buruzko estandarretara egokitzea da, eta aurreikuspenen arabera, lanak 2010. urtearen amaieran bukatuko dituzte.
Eraikina Ospitaleko ama-haurren eraikinari erantsita eginen dute, gaur egun ekitaldi aretoa dagoen lekuan, eta hiru solairu izanen ditu (erdi-sotoa, behe solairua, eta lehenengo solairua): Behe solairuan pediatriako larrialdien zerbitzua egonen da, eta baita ama-haurren larrialdietako zerbitzurako sarrera komuna ere. Proiektuan bigarren solairua egiteko aukera ere hartuko dute kontuan.
Lanen proiektu arkitektonikoa datozen asteetan aterako dute lehiaketara, eta plana Fernando Boneta Beorlegui Ospitaleko zuzendariak aurkeztu du, gaur goizean. Miguel Ezcurdia Gurpegui Ginekologia eta Obstetrizia Zerbitzuko buruak eta Enrique Bernaola Barcos Pediatria Zerbitzuko buruak ere hartu dute parte aurkezpenean.
- Dokumentazioa:
- Berri osoa.doc
