Castellano | Euskara | Français | English
Ikusi egun honetako albiste gehiago
Lanean ari diren tarteetan kontuz gidatzeko eskatzen du Errepideen Zainketa Zerbitzuak
Herri Lan, Garraio eta Komunikazio Departamentuak jakinarazi duenez, N-121-A Iruñea-Behobia errepidean, Endarlatsako tartean, eta NA-178 Irunberri-Nabaskoze-Ezkaroze errepidean, Isuko mendatean, unean uneko etenak izanen dira, lanen ondorioz, martxoaren 10etik 16ra bitarteko astean.
N-121-A, Iruñea-Behobia errepidean, leherketen ondoriozko etenak honako kilometro hauetan izanen dira:
- 70+000 eta 70+400 kilometroen artean, asteartean, martxoaren 11n, 12:00etatik 14:00etara bitarte (2 orduz).
- 71+350 eta 71+650 kilometroen artean, asteazkenean, martxoaren 12an, 12:00etatik 14:00etara bitarte (2 orduz).
NA-178, Irunberri-Nabaskoze-Ezkaroze errepidean, Isuko mendatean, leherketen ondoriozko etenak izanen dira, 13+000 eta 14+000 kilometroen artean, asteartean (martxoaren 11n), asteazkenean (12an), eta ostegunean (13an), 13:00etatik 14:30era bitarte (15 minutuz).
Amaitzeko, lanen ondoriozko gorabeherak izanen dira sare nagusiko gune hauetan:
N-121-A, Iruñea-Behobia errepidean, ibilgailuak txandaka igaroko dira, 8:00etatik 19:00etara, 60+600 kilometrotik 63+200 kilometrora, 68+100 kilometrotik 68+400 kilometrora, 69+240 kilometrotik 69+440 kilometrora, eta 57+500 kilometrotik 58+200 kilometrora. Azkeneko bi tarteetan, seinaleak edo semaforoak jarriko dituzte zirkulazioa erregulatzeko. Errepide bereko 14+000 kilometroan ere ibilgailuak txandaka igaroko dira (Ostitzeko zeharbidean).
N-232, Alfaro-Tutera-Zaragoza errepidean, lanen ondoriozko gorabeherak izanen dira, 84+000 kilometrotik 91+000 kilometrora, eta 110+000 kilometrotik 116+000 kilometrora.
Nafarroako Gobernuak arretaz gidatzea eta zirkulazio gorabeherak dituzten errepideetako seinaleak zorrotz errespetatzea eskatzen du. Foru Komunitateko errepideetako egoerari buruzko informazio eguneratua www.cfnavarra.es/obraspublicas webgunean edo 900 400 100 doako telefono zenbakira deituz eskuratu daiteke.