Castellano | Euskara | Français | English
Ezagutzera eman
Ikusi egun honetako albiste gehiago
"La pintura española en los tiempos del Arte. Veinte pintores españoles para el siglo XXI" erakusketa ikusgai egonen da Baluarten, ekainaren 1era arte asteazkena, 2008.eko martxoak 12
Baluarte-Nafarroako Biltzar Jauregi eta Auditorioan "La pintura española en los tiempos del Arte. Veinte pintores españoles para el siglo XXI" (Espainiar pintura Artearen garaian.
Katalogoaren portada.
(
irudia handitu
)
Espainiako hogei margolari XXI. menderako) erakusketa egonen da ikusgai, bihar hasi (osteguna, martxoaren 13a) eta ekainaren 1era arte. "Punto de encuentro con el Arte Contemporáneo" (Topalekua Arte Garaikidearekin) programaren baitan Nafarroako Gobernuak Kultura eta Turismo Departamentuaren bidez antolatu duen erakusketa da, eta Enrique Andrés Ruiz izanen da bertako komisario.
Erakusketaren aurrekontua 318.000 eurokoa da, eta gaur goizean Juan Ramón Corpas Mauleón Kultura eta Turismo Departamentuko kontseilariak eta Enrique Andrés Ruiz komisarioak aurkeztu dute. Erakusketa Miguel Sanz Sesma Nafarroako Gobernuko presidenteak inauguratuko du, bihar, martxoaren 13an, 20:30ean.
Enrique Andrés Ruiz arte kritikaria eta idazlea da, eta azkeneko belaunaldietako espainiar margolarien lan artistikoen zati bat aukeratu du. Euren ibilbideen bidez XXI. mendeko espainiar arteko pinturaren antologia osatzen duten margolarien lanak dira, hain justu.
Erakusketako margolariak garaikideak dira. Hartara, taldeko margolari zaharrena Fernando Babío da, 1953an jaio zena, eta gazteena, berriz, Juan Fernández, 1978an jaiotakoa. Beste batzuk honako hauek dira: Miguel Galano (1956), Carlos García Álix (1957), Calo Carratalá (1959), Joan Boy (1961), Juan Carlos Lázaro (1962), Sergio Sanz (1964), Chema Peralta (1965), Mariana Laín (1966), Joseba Escubi (1967), Miguel Oliver (1968), María Buil (1970), Alberto Pina (1971), Sara Quintero ( 1971), Chechu Álava (1973) eta Fernando Martín Godoy (1975). Eta Nafarroako artistei dagokienez, honako hauek: Alfonso Ascunce (1966), Elena Goñi (1968) eta Diego de Pablos (1973).
Erakusketa hirurogeita hamaika lanek osatzen dute, eta guztiak katalogoan daude. Ia guztiak XXI. mendeko lehenengo urteetako lanak dira, bereziki iazkoak (2007).
Erakusketa dela-eta, katalogo arrazoitu bat argitaratu dute, eta bertan, komisarioaren bi testu daude; bat, gaur egungo arteari buruzkoa, eta bestea, lehenago aipatu ditugun margolariei buruzkoa. Era berean, aretoko liburuxka bat ere argitaratu dute, eta horrekin batera, apirilean eginen dituzten jarduera osagarrien egutegiaren berri ematen duen txartela. Esate baterako, apirilaren 4an (ostirala) "La pintura en los tiempos del Arte" (Pintura Artearen garaian) hitzaldia emanen du Enrique Andrés Ruiz erakusketako komisarioak, 19:30ean, Baluarten. Gainera, "Muralla de Baluarte" (Baluarteko Harresia) Aretoan topaketak eginen dituzte artistekin, 19:30ean. Hitzorduak honako hauek izanen dira: apirilaren 15a, asteartea, Fernando Martín Godoy eta Alfonso Ascunce; apirilaren 17a, osteguna, Joan Boy Balart eta Juan Carlos Lázaro; apirilaren 22a, asteartea, María Buil, Miguel Oliver, Juan Fernández eta Sara Quintero; apirilaren 24a, osteguna, Chema Peralta eta Carlos García-Alix; apirilaren 25a, ostirala, Fernando Babío Sabio, Alberto Pina eta Joseba Eskubi; eta apirilaren 29a, asteartea, Elena Goñi eta Calo Carratalá.
Erakusketaren ordutegia honako hau izanen da: asteartetik ostiralera, 17:00etatik 21:00etara; eta larunbatetan eta jaiegunetan, 11:00etatik 14:00etara eta 17:00etatik 21:00etara. Astelehenetan itxita egonen da, eta sarrera doakoa izanen da.
Arte Garaikidearen aldeko apustua
Iaz, Arte Garaikideari buruzko hainbat kultur jarduera antolatu zituen Nafarroako Gobernuak, Artea Bultzatzeko Planaren bidez. Horren adibide ditugu Jorge Oteiza Fundazio Museoari eta Uharteko Arte Garaikidearen Zentroari sostengua ematea, edo "Monografías de Artistas Navarros Contemporáneos" (Nafarroako Artista Garaikideen Monografiak) bilduma argitaratu izana (Major eta Minor serieak). Aipaturiko monografiako lehenengo lau liburuak Juan José Aquerreta, Pedro Salaberri, David Rodriguez Caballero eta Elena Goñiri buruzkoak izan dira, hain justu. Artea Bultzatzeko Planeko ekimenetako bat "Punto de encuentro con el Arte Contemporáneo" erakusketa programa da, eta martxotik abendura bitarte, Nafarroako, Estatuko eta nazioareko arte garaikideari buruzko hiru erakusketa egin zituzten "Muralla de Baluarte" Aretoan. Honako hauek, hain justu: "Silencios: 22 pintores navarros" (Isiltasuna: Nafarroako 22 margolari), "Markus Lüpertz. Cuerpo y paisaje" (Markus Lüpertz. Gorputza eta paisaia) eta "Planes futuros: arte español de los 2000" (Etorkizuneko planak: 2000ko espainiar artea). Erakusketa horietako komisarioak Juan Manuel Bonet, Kosme de Barañano eta María del Corral arte kritikariak izan ziren, hurrenez hurren.
