Castellano | Euskara | Français | English
Ezagutzera eman
Ikusi egun honetako albiste gehiago
Gobernuak 454.070 euroko hainbat urtetarako gastua onetsi du mendien antolamenduko sei proiektutarako
astelehena, 2008.eko martxoak 31Proiektuak Nafarroako Baso Planaren barrenean sartuta daude eta haien helburua da basogintzako metodo egokiak ezartzea, basoko biodibertsitatea zaintzea eta basoko sare hidrografikoa hobetzea
Nafarroako Gobernuak 454.070 euroko gastua onetsi du 2008-2010 aldirako mendien antolamenduko sei proiektu egiteko Nafarroako Mendialdeko beste horrenbeste alderditan.
Gastua honelaxe banatuko da: 251.451 euro 2008an; 182.019 euro 2009an; eta 20.600 euro 2010ean.
Mendien ordenamenduko proiektuak hauexek dira:
- -“La Cuestión” mendia, Zaraitzuko Batzarrarena, 1.273,16 hektareako lurrazala duena.
- -Garde Udalaren herriko mendiak, 939,39 hektareako lurrazala dutenak,
- -Arraitz-Orkin, Auza, Zenotz, Eltso, Eltzaburu, Gorrontz-Olano, Ilarregi, Iraizotz, Suarbe, Larraintzar eta Urritzola-Galaingo herriko mendiak Ultzaman, 4.300 hektareako lurrazala dutenak.
- -Beintza-Labaien, Urrotz, Oitz, Donamaria-Gaztelu eta Elkarrikoako herriko mendiak, 5.143 hektareako lurrazala dutenak,
- -Bidasoa-Berroarango Batzorde Administratiboaren mendiak eta Kokoriko mendia, 3.630 hektareako lurrazala dutenak.
- -Erronkari Ibarreko portuen larre eta basoko baliabideak, 4.250 hektareako lurrazala dutenak.
- Dokumentazioa:
- Información completa
