Castellano | Euskara | Français | English
Ikusi egun honetako albiste gehiago
Gobernuak baimena eman du Nafarroako Ospitalerako behin-behineko moduluak erosteko
astelehena, 2008.eko maiatzak 26Zaintzako medikuentzako bulegoak, aldagelak eta logelak egiteko erabiliko dituzte, C pabiloiko lanak egiten dituzten bitartean
Nafarroako Gobernuak, gaur, baimena eman dio Osasunbidea-Nafarroako Osasun Zerbitzuko zuzendari kudeatzaileari zaintzako medikuentzako bulegoak, aldagelak eta logelak egiteko behin-behineko moduluak erosteko kontratua egiteko. Moduluak Nafarroako Ospitaleko C pabiloiko lanak egiten dituzten bitartean erabiliko dituzte.
Xede horretarako, hainbat urtetako gastua baimendu du. Guztizko zenbatekoa 416.160 eurokoa izanen da, honela banatuta: 41.616 euro, 2008an, eta 124.848 euroko hiru partida, 2009, 2010 eta 2011ko aurrekontuetatik.
Nafarroako Ospitaleko C pabiloiko proiektua lanak esleitzeko azken fasean dago, eta aurreikuspenen arabera, erabakia ekaineko lehenengo hamabostaldian hartuko dute. Lanak irailean abiatuko dituzte, eta hiru urte iraunen dute.
Behin-behineko moduluetan ez dute ezarriko gaixoak artatzeko zerbitzurik, eta lanek dirauten bitartean ere Ospitaleko eraikinetan eskainiko dituzte. Lehenago esan dugunez, behin-behineko moduluetan osasun langileentzako gela osagarriak baino ez dituzte eginen.