Ehun bat pertsonek parte hartu dute, gaur eguerdian, Nafarroako Gobernuak Orondritzeko hilketa gaitzesteko antolatu duen elkarretaratzean asteazkena, 2008.eko uztailak 9

Ehun bat pertsonek parte hartu dute, gaur eguerdian, Nagore Laffage Casasola 20 urteko irundarraren (Gipuzkoa) hilketa gaitzesteko elkarretaratzean. Ekitaldia Nafarroako Gobernuak antolatu du, Nafarroako Berdintasunerako Institutuaren bidez.

Gaztearen gorpua Oronditzen (Erroibar) aurkitu zuten, astelehenean, eta antza denez, genero indarkeriaren kasu bat izan da. Protesta ekitaldia Iruñeko Vinculo Plazan egin dute, Nafarroako Berdintasunerako Institutuaren egoitzaren parean. Besteak beste, Nafarroako Gobernuko agintari hauek parte hartu dute ekitaldian: Javier Caballero Martínez lehen presidenteorde eta Lehendakaritza, Justizia eta Barne Departamentuko kontseilariak, Begoña Sanzberro Iturriria Landa Garapen eta Ingurumen Departamentuko kontseilariak, José Carlos Esparza Sáez Etxebizitza eta Lurralde Antolamenduko Departamentuko kontseilariak, eta Laura Alba Cuadrado Herri Lan, Garraio eta Komunikazio Departamentuko kontseilariak. Sara Ibarrola Inchusta Nafarroako Berdintasunerako Institutuko zuzendari kudeatzailea eta Juan Ramón Rábade Iráizoz Barne zuzendari nagusia ere bildu dira ekitaldira.

Jar zaitez gurekin harremanetan | Erabilerraztasuna | Lege abisua | Webaren mapa