Nafarroako Gobernuak 200.000 bat euroko diru laguntzak eman dizkie zortzi toki erakunderi, gutxiengo etnikoekin esku-hartze sozialeko proiektuak egiteko asteazkena, 2008.eko abuztuak 20

Nafarroako Gobernuak, Familia, Gazteria, Kirol eta Gizarte Gaietako Departamentuaren bidez, 200.000 bat euroko diru laguntzak eman dizkie zortzi toki erakunderi, 2008an gutxiengo etnikoekin esku-hartze sozialeko proiektuak egiteko sostengua emateko.

Laguntzak jaso dituzten toki erakundeak, ordena alfabetikoari jarraiki, honako hauek dira:

- Antsoain, Berriobeiti, eta Berriozarko Gizarte Zerbitzuen Mankomunitatea: 30.000 €, ijitoen gutxiengo etnikoarekin gizarte eta eskola sustapeneko proiektu bat egiteko.

- Artaxoa inguruko Oinarrizko Gizarte Zerbitzuak: 12.667 €, gutxiengo etnikoekin gizarte eta familiako esku-hartze proiektu bat egiteko.

- Azkoien inguruko Gizarte Zerbitzuen Mankomunitatea: 18.200 €, gutxiengo etnikoekin gizarte eta familiako esku-hartze proiektu bat egiteko.

- Cintruénigo eta Fiteroko Gizarte Zerbitzuen Mankomunitatea: 18.656 €, inguruko gutxiengo etnikoekin gizarte eta familiako esku-hartze proiektu bat egiteko.

- Iruñeko Udala: 6.000 €, Zamarbideko etxeei buruzko azterlan-txosten bat egiteko.

- Lizarrako Udala: 40.100 €, La Merced auzoko gutxiengo etnikoekin gizarte eta familiako esku-hartze proiektu bat egiteko.

- Los Arcos inguruko Gizarte Zerbitzuen Mankomunitatea: 15.495 €, gutxiengo etnikoak gizarteratzeko programa bat egiteko.

- Tafallako Udala: 58.459 €, gizarte bazterketako egoera larrian dagoen gutxiengo etnikoarekin esku-hartze proiektu bat egiteko.

Jar zaitez gurekin harremanetan | Erabilerraztasuna | Lege abisua | Webaren mapa