Castellano | Euskara | Français | English
Ezagutzera eman
Ikusi egun honetako albiste gehiago
Cultur Programako jarduera gehiago, datozen egunetan, Nafarroako turismo intereseko lekuetan asteazkena, 2008.eko abuztuak 20
Cultur Foru Komunitateko turismo intereseko lekuetan egiten duten Programa da, eta kultura hedatzea du xede. Datozen egunetan, Erriberri, Lizarra, Tutera, Murchante, Viana, Artaxoa, Otsagabia, Gares, Erronkari, Lizaso, Xabier, Los Arcos, Orreaga eta Irantzuko Monasterioan eginen dituzte Cultur Programako jarduerak.
Bihar, abuztuaren 21ean (osteguna), Erriberriko San Frantzisko komentuko klaustroan, aita Xavier Álvarez de Eulateren pintura erakusketa egonen da ikusgai, eta eliza berean, 20:00etan, Ensemble Danserie taldeak antzinako musikako kontzertua eskainiko du.
Ostiralean, abuztuaren 22an, Lizarrako Fray Diego Kultur Etxean, 20:30ean, Quorum Hirukoteak ganbera musikako kontzertua eskainiko du. Tuterako katedralean, 20:00etan, Sphera Antiqva - Parti Reali taldeak musika barrokoko kontzertua eskainiko du. Azkenik, Murchanten, Vianako Printzea Upategietan, "Bakoren Melodiak" (Melodías de Baco) zikloaren baitan, 20:00etan, Roberto Casado eta Sergio Larriónek kontzertua eskainiko dute.
Larunbatean, abuztuaren 23an, Vianako elizan, 20:45ean, Erreniega Abesbatzak kontzertua eskainiko du. Artaxoako La Quinta plazan, 19:30ean, Mr. Dixi Jazz Band taldea arituko da. Otsagabiako plazan, 19:30ean, herri kirolen ikuskizuna eginen dute. Garesko San Pedro elizan, 20:30ean, Olga Strejss sopranoak kontzertua eskainiko du. Azkenik, Erronkarin, "Gaiarrerekin Topaketak" (Encuentros con Gayarre) ikuskizunaren baitan, 13:00etan eta 18:00etan, Daniel Gutiérrez pianistak eta David Echeverría tenoreak kontzertua eskainiko dute.
Igandean, abuztuaren 24an, Lizason, Orgi hariztian, 12:30ean eta 18:30ean, Goliard haize laukoteak kontzertua eskainiko du. Xabierko Auditorioan, 13:00etan, Iruñeko Camerata hari laukoteak kontzertua eskainiko du. Irantzuko Monasterioko klaustroan, 12:30ean, Gea hirukoteak ganbera musikako kontzertua eskainiko du. Los Arcoseko Andre Maria elizako klaustroan, 13:00etan, Fathi Ben Yakoub/Matthieu Saglio bikoteak ganbera musikako kontzertua eskainiko du. Azkenik, Orreagako Kolegio-Elizan, 13:00etan, Harmonía Gémina taldeak kontzertua eskainiko du.
Gainera, abuztuaren 31ra bitarte bezperak eskainiko dituzte Leireko eta La Olivako Monasterioetan, honako ordutegi hauetan: Leireko Monasterioan, astelehenetik igandera, 19:00etan, eta ostegunetan, 19:30ean; eta La Olivako Monasterioan, astelehenetik larunbatera, 18:30ean, eta igandeetan, 18,25ean. Era berean, abuztuaren 31ra arte, honako erakusketa hauek egonen dira ikusgai: Teresa Sabaté, Agoitzeko Kultur Etxean; Alberto Berástegui, Erriberriko Errege Jauregian; Joaquín Ilundáin, Bertizko Jaurerrian; eta Jesús Rivero, Vianako Kultur Etxean.
