Castellano | Euskara | Français | English
Ezagutzera eman
Ikusi egun honetako albiste gehiago
Sanz presidentea Nafarroako garapen ekonomikoaren eredu berria definituko duen Moderna Plana abian jartzeko ekitaldira bildu da
ostirala, 2008.eko irailak 12
Miguel Sanz Sesma Nafarroako Gobernuko presidentea "Nafarroako Garapen Ekonomikoaren Eredu Berria" (Moderna) Plan Estrategikoaren diseinua abian jartzeko ekitaldira bildu da. Moderna Planaren helburua etorkizuneko Nafarroaren esparru ekonomikoa zehaztea da, mundu globalizatuaren erronkei aurre egiteko.
Sanz presidentea, erdian, enpresaburuen elkarte, sindikatu eta unibertsitateetako ordezkariekin, Moderna Plana abian jartzeko ekitaldian.
(
irudia handitu
)
Nafarroako Gobernuak eta PSN-PSOE alderdiak 2008ko aurrekontuen gainean erdietsi zuten akordioaren eta Foru Administrazioak eta CEN, UGT eta CCOO sindikatuek izenpetu zuten Garapen Iraunkorreko Akordio Sozialaren esparruan kokatuta dagoen Plana da, hain zuzen. Erakunde horiek, gainera, Nafarroako Unibertsitate Publikoak eta Nafarroako Unibertsitateak ere parte hartu dezaten eskatu dute.
Ekitaldira honako hauek bildu dira: Álvaro Miranda Simavilla bigarren presidenteorde eta Ekonomia eta Ogasun Departamentuko kontseilaria; Roberto Jiménez Alli PSN-PSOE alderdiko idazkari nagusia; José Manuel Ayesa Dianda Nafarroako Enpresaburuen Konfederazioko presidentea; Juan Goyen Delgado UGT sindikatuko idazkari nagusia; José Mª Molinero de Frutos CCOO sindikatuko idazkari nagusia; Julio Lafuente López Nafarroako Unibertsitate Publikoko errektorea; eta Ángel Gómez Montoro Nafarroako Unibertsitateko errektorea.
Ekonomia eta Ogasun Departamentuko Politika eta Sustapen Ekonomikoaren Zuzendaritza Nagusiari, Nafarroako Berrikuntza eta Teknologia Agentziari (ANAIN) eta Askotarikotzeko Nafarroako Fundazioari (FND) agindu zieten dokumentua idazteko.
Hain zuzen ere, joan den maiatzean hasi ziren lanean, Nafarroako gaur egungo egoera sozioekonomikoaren diagnostikoa egiteko, eta datu horiekin, abendura bitarte, garapen ekonomikoaren eredu berria zehaztuko dute. Azkenik, 2009ko urtarriletik apirilera bitarte, aipaturiko eredua erdiesteko esku-hartzeen plana diseinatuko dute.
- Dokumentazioa:
- Albiste osoa
