Castellano | Euskara | Français | English
Ezagutzera eman
Ikusi egun honetako albiste gehiago
Santoñako atentatuan gertatutako Luis Conde de la Cruz brigadaren erailketa gaitzetsi du Nafarroako Gobernuak
astelehena, 2008.eko irailak 22Santoñako atentatuan gertatutako Luis Conde de la Cruz brigadaren erailketa gaitzetsi du Nafarroako Gobernuak gaurko ohiko bilkuran. Haren esanetan “ekintza hori printzipio etiko funtsezkoenaren aurka doa, hots, gizakien bizitzarekiko errespetuaren aurka, eta aldi berean ETA bere borondatea indarkeriaz gizarteari inposatzen saiatzen da”.
Horregatik, Nafarroako Gobernuak haren dolumina eta elkartasuna erakusten dizkie Luis Conde de la Cruz jaunaren senide eta lankideei, eta asteburuko atentatuetan kaltetutako lagun guztiei, eta dei egiten du herritar guztiak baturik egon daitezen. “Erail eta estortsioa eta mehatxuak egiten dituzten gutxiengoek, eta berauei babes eta sostengua ematen dizkietenek, ez dute lortuko Espainiakoa bezalako gizarte libre makurraraztea, ez eta demokrazia eta haren erakundeen oinarriak ahultzea ere. Ez dute lekurik Europako gizartean, ez eta inolako etorkizunik ere gure artean”.
Haren adierazpena amaitzeko mezu hauxe zabaldu du Gobernuak: “Azkenean herritarren gaitzespenak eta poliziaren jarduerak zuzenbide Estatu batean bete behar duten lekuan kokatuko dituzte: kartzelan”.
