Nafarroako Museoak Javier Ciga nafar margolariaren bederatzi margolan zaharberritu ditu osteguna, 2008.eko irailak 25

Juan Ramón Corpas Mauleón Nafarroako Gobernuko Kultura eta Turismo Departamentuko kontseilaria Nafarroako Museora joan da, gaur goizean, bertan zaharberritu dituzten bederatzi margolan ikustera. Javier Ciga nafar margolariaren lanak dira, hain zuzen.

Sokadantza (1914). ( irudia handitu )

Kontseilariaz gain, Pedro Luis Lozano Kulturaren zuzendari nagusia, Javier Ciga Echandi Fundazioko ordezkariak, Baztango Udaleko ordezkaria, eta Ana Mari Marín baztandar margolaria ere joan dira Nafarroako Museora.

Hain zuzen ere, Javier Ciga Echandi Fundazioak margolariaren lanak eskatu zizkion Nafarroako Gobernuari, Baztango Museo Etnografikoko erakusketa iraunkorra osatzeko, eta horrexegatik, Nafarroako Museoak bere bildumako bederatzi margolan zaharberritu ditu, gordailuan uzteko. Honako hauek, hain justu:

Madrilen ikasten egon zen garaiko lanak (lehenengo etapakoak):

Estudio (1912-1913). Olioa, oihal gainean; 44 x 37 cm
Artzaina (1910-11). Olioa, oihal gainean; 158 x 116 cm
Mohamed Ben El Peli Makurra (1910-11). Olioa, oihal gainean; 45 x 37 cm.

Parisen ezagueretan sakontzen egon zen garaiko lanak (bigarren etapakoak):

Combinación de la ruleta (1912-14). Olioa, oihal gainean; 100 x 184,5 cm
Batzarre bajo el árbol de Jaureguizar (1914). Olioa, oihal gainean; 160 x 225 cm
Proclamación del primer rey de Navarra (1914). Olioa, oihal gainean; 162 x 170 cm
Sokadantza (1914). Olioa, oihal gainean; 162 x 170 cm

Paristik itzuli eta Iruñean egon zen garaiko lana:

Mezatik (1914). Olioa, oihal gainean; 162 x 170 cm
Musa jokatzen (1940-60). Olioa, oihal gainean; 115 x 95 cm

Margolanak Iruñeko ERPA (Cristina Lacabe eta Marta Larraga) enpresak zaharberritu ditu, 17.078 euroren truke, eta batzuei marko berria jarri diete.

Margolan guztiak Ciga familiari erositakoak dira, eta 1990az geroztik Nafarroako Museoan egon dira ikusgai, bertako areto batean, modu iraunkorrean. Museoak, gainera, Javier Cigaren lanei buruzko ikerketa egin zuen, eta sei argitalpen zientifiko egin zituen margolariaren eta bere lanaren gainean, Francisco Javier Zubiaur bildumaren zaintzailearen kargura.

Dokumentazioa:: Berri osoa.doc

Jar zaitez gurekin harremanetan | Erabilerraztasuna | Lege abisua | Webaren mapa