Nafarroako Kirol Jokoen hogeita bigarren edizioari hasiera eman zaio, eta 17.000 parte-hartzailetik gora izango dela aurreikusi da asteartea, 2008.eko irailak 30

Kirolaren Nafarroako Institutuko (IND) zuzendari nagusi Javier Esparza jaunak Nafarroako Kirol Jokoen hogeita bigarren edizioa aurkeztu du, gaur goizean, Iruñako Kirolaren Etxean; izen bereko Nafarroako Gobernuko erakunde autonomoak antolatzen ditu jokook, Arguedas-eko "Senda Viva" parke naturalaren laguntzarekin.

Ezkerretik eskuinera, Nacho Arbeloa, Javier Esparza eta Rubén González. ( irudia handitu )

Aurkezpenean, Esparzaren ondoan izan ziren, INSko Kirol arloko zuzendariorde Nacho Arbeloa, eta Senda Viva-ko zuzendari exekutibo Ruben Gonzalez.

Edizio honetan, antolatzaileek uste dute iazko 17.000 parte hartzaileak gaindituko direla, izan ere, lau eskola-kategoria gehitu zaizkio zerrenda osoari: Alebinak (1887 eta 1998 urte artean jaiotakoak), infantilak (95-96), kadeteak (93-94) eta jubenilak (91-92). Edizio honetarako aurreikusi den kirol-diziplina desberdinen eskaintzan 41 modalitate daude guztira, eta Nafarroako 26 Kirol-federaziok hartu dute parte: Ur-azpiko ekintzak, xakea, atletismoa, badminton, eskubaloia, beisbol eta sofbol, txirrindularitza, neguko kirolak, futbola, gimnasia, herri kirolak, hipika, judoa, karatea, mendia, igeriketa, padela, patinajea, pilota, errugbia, taekwondoa, tenisa, mahai-tenisa, triatloia eta bela. Egokitutako Kirol Federazioaren probak ere gehituko dira, urritasunen bat duten eskola-umeentzat.

Denboraldi berri honetako berrikuntzen artean, Padela behin betiko kirolen multzoan sartzeaz gain, honako modalitate hauen eskaintzak daude: binakako gimnasia erritmikoa eta tranpolin-jauzia; emakumezkoen boleibola; emakumezkoen futbola kadete mailan; duatloi proben finkatzea; eta gainera, txirrindularitza-probak programatuko dira belodromoan.

Kirol-lehiaketaren esparrutik kanpo, Kirolaren Nafarroako Institutuak bi berrikuntza iragarri ditu programan parte hartuko duten kirol-teknikarien prestakuntzari dagokionez; izan ere, teknikari horientzat plan berezi bat ezarri da. Gainera, jokoek hedapen zabalagoa izango dute Internet bidez, parte-hartzaileen argazki eta bideo gehiago jasoko baitira bertan. Antolatzaileen esanetan, Jokoetan arbitro izateko kanpaina ere sustatuko da.

17.000 parte hartzaile eta milioi bat euroko inbertsioa

INDk, era berean, 2007-08 denboraldian Nafarroako Kirol Jokoetan parte hartu zutenei buruzko datu esanguratsuenak eman ditu gaur jakitera.

Ekimen honi esker kirola egin dute eskola-umeen kopurua 17.013 parte-hartzailera iritsi da; horrek esan nahi du, eskoletako populazioa osatzen dutenen %45ak kirol-jardueraren bat burutu duela, aurreko edizioarekin alderatuta.

Pasa den urtean 41 kirol-modalitate eskaini ziren 27 kirol-federaziotan banatuta. Honako kirolak izan ziren parte-hartzaile kopuru handiena bildu zituztenak: futbola (3.789 inskripzio) eta saskibaloia (3.677); eta mila kirolaritik gora, berriz, honako hauetan: eskubaloia (1.691), aretoko futbola (1.199) eta pilota (1.145). Tarteko parte-hartzea (50 kirolaritik behera) izan zuten kirolen artean daude mahai-tenisa (41) edota bela (29).

Aipatzekoa da kirol-jarduera jakin batzuetan emakumezkoak ugariagoak direla gizonezkoen ondoan: Hala gertatzen da urpeko ekintzetan, atletismoan, saskibaloian, mendian, hipikan, igeriketan eta patinajean.

Kapitulu ekonomikoari dagokionez, Javier Esparzak adierazi du 2007-08ko Kirol Jokoen iazko aurrekontua 1,1 milioi eurokoa izan zela. Gastu horren %93ari Nafarroako Gobernuak egin zion aurre eta gainerako %7a, berriz, parte-hartzaileen kuoten bidez ordaindu zen. Sortutako gastua hiru zatitan banatzen da: Autobusaren joan-etorriak, 346.353 euro; norbanakoen ibilgailuen joan-etorriak, 273.332 euro; eta antolaketa-gastuak, 490.498 euro

Dokumentazioa:: Presentación de los XXII Juegos Deportivos de Navarra; Normativa de los mismos; Participación en la última edición

Jar zaitez gurekin harremanetan | Erabilerraztasuna | Lege abisua | Webaren mapa