Euskarabideako zuzendari kudeatzaileak Europako Parlamentuak antolatu duen "Memoria materiagabea" jardunaldian parte hartu du asteartea, 2008.eko azaroak 11

Xabier Azanza Euskarabideako zuzendari kudeatzaileak Europako Parlamentuak Bruselan antolatu duen "Memoria materiagabea" jardunaldian parte hartu du, gaur. Jardunaldia UNESCOren bidez antolatu dute (Hezkuntza, Zientzia eta Kulturarako Nazio Batuen Erakundea).

Xabier Azanzak txostengile gisa parte hartu du jardunaldian, eta zehazki, Nafarroako euskararen Mediatekaren proiektua azaldu du, hizkuntzaren eta etnografiaren arloan garrantzi handia duen balio kultural materiagabe gisa. Gainera, Nafarroako Artxibo Materiagabearen proiektuarekiko lankidetza azaldu du (Nafarroako Unibertsitate Publikoa garatzen ari den proiektua).

Europako Parlamentuak Euskarabideako zuzendari kudeatzaileari luzatu zion gonbidapenaren baitan, bisita bat eginen du erakundera eta Leonard Orban Eleaniztasunaren komisarioarekin bilduko da.

Jar zaitez gurekin harremanetan | Erabilerraztasuna | Lege abisua | Webaren mapa