Castellano | Euskara | Français | English
Ikusi egun honetako albiste gehiago
Nafarroako Gobernuak akordioa erdietsi du, eta Hezkuntza Departamentuari baimena eman dio 2007-2008 ikasturtean ikastetxe publikoetan jantoki zerbitzua eskaini zuten enpresen kontratuak luzatzeko. Hala, 2008-2009 ikasturtean ere zerbitzua eskainiko dute.
Xede horrekin, 2008-2009 ikasturteko gehienezko gastua 890.600 eurokoa izanen da. Horietatik 320.000 euro 2008rako izanen dira (iraila - abendua), eta Hezkuntza Departamentuko aurrekontuetatik ordainduko dituzte (indarrean dauden aurrekontuetatik). Gainerako 570.600 euroak, berriz, 2009rako izanen dira (urtarrila – ekaina), eta 2009ko aurrekontuetatik ordainduko dituzte.
Ikastetxe publikoetako jantoki zerbitzua eskaintzen duten enpresak honako hauek dira (esleipena iaz egin zuten): Jangarria SL (1.190 ikasle artatzen ditu, 9 ikastetxe publikotan); José Irigoyen Jara SL (2.146 ikasle artatzen ditu, 7 ikastetxe publikotan); José Ramón Echebeste Urrutia (348 ikasle dituen ikastetxe publiko bateko jantokia artatzen du); Isabel Nazabal Auzmendi (123 ikasleko jantokia artatzen du, ikastetxe publiko batean); eta Tallunce (56 ikasle dituen ikastetxe publiko bateko jantokia artatzen du).