Castellano | Euskara | Français | English
Ikusi egun honetako albiste gehiago
Eraikitze-aurreproiektua idazteko fasean dago, eta jarduketa esparrua eta konponbide teknikoak definituko ditu, hala nola presak, energia-instalazioak eta ureztatze-instalazioak
Sanzberro kontseilaria.
(
irudia handitu
)
Begoña Sanzberro Iturriria Landa Garapeneko eta Ingurumeneko kontseilaria Estellerrian eremu ureztagarri berriak sortzeko proiektuaren inguruko lan teknikoen eta eman beharreko hurrengo pausoen gaur egungo egoerari buruz inguru horretako erakunde eta elkarteei informazioa emateko gaur egin den bileraren buru izan da.
Bilera Landa Garapeneko eta Ingurumeneko Departamentuaren egoitzan egin da, eta bertara joateko gonbita egin zitzaien Nafarroako Gobernuko Landa Garapeneko eta Ingurumeneko Batzordeko kideei; UCAN, UAGN eta EHNE elkarteetako ordezkariei; Aberin, Allo, Arellano, Arroitz, Barbarin, Deikaztelu, Piedramillera, Lerin, Los Arcos, Lukin, Morentin, Villamayor de Monjardín, Santsol eta El Bustoko alkateei; eta inguruko nekazaritza-kooperatibetako ordezkariei.
Besteak beste, aurretiazko azterlanei eta bideragarritasunari buruz egindako kontsulta eta herritarren parte-hartze prozesuaren balantzea eta ondorioak jorratu dira, alderdi inplikatuen sentsibilitatea eta ekarpenak biltzeko, prestatzen ari den eraikitze-aurreproiektuan eman beharreko behin betiko konponbidea definitzeko.