"Punto de Vista" Zinema Jaialdian James Benningen antologia aurkeztuko dute, estreinakoz Espainian ostirala, 2009.eko urtarrilak 16

Gainera, Peter Lynchen eta Ben Riversen lanak aurkeztuko dituzte, zinema dokumental eta esperimentaleko birmuntatze kontzeptua berrikusiko dute, eta "Heterodocsias" eta "La región central" sailak eskainiko dituzte

( irudia handitu )

2009ko "Punto de Vista" Zinema Dokumentalaren Jaialdia (V.a) otsailaren 13tik 21era bitarte eginen dute Iruñean, eta James Benning estatubatuar zuzendaria izanen du protagonista. Hala, Benningen etapa artistikoak biltzen dituen zikloa eskainiko dute "Punto de Vista" Jaialdian, 70eko hamarkadatik gaur egunera arteko ibilbidea. Gainera, birmuntatze kontzeptua berrikusiko dute (lehendik eginda dauden filmak berrerabiliz egindako zinema) eta ia ezezagunak diren bi zuzendariren lanak aurkeztuko dituzte (Peter Lynch-en eta Ben Rivers-en lanak).

"Punto de Vista" Zinema Jaialdia Nafarroako Gobernuak antolatzen du, Kultura eta Turismo Departamentuaren eta "Vianako Printzea" Erakundearen bidez. Nafarroako Kutxa Fundazioaren laguntzarekin egiten dute.

Ipar Ameriketako zinema gorputz bakar gisa hartuko bagenu, zinema independentea, esperimentala, klasikoa eta modernoa bereizi gabe, James Benningen lana bizitzeko beharrezkoak diren organoetako bat izanen litzateke, espezialisten arabera. Benning zinemagile bakartia da, eta hogeita hamar filmetik gora egin ditu hogeita hamar urtetan; beti kategoriei desafio eginez, baina 1945az geroztik garatu diren abangoardiekin lotuta, mugimendu estrukturalista, narratiba berriak eta land art barne. Hala, Espainian egin duten lehenengo atzerabegirako antologikoa aurkeztuko dute "Punto de Vista" Jaialdian, eta zuzendariaren zenbait lan jarriko dituzte ikusgai, Benning beraren bermearekin. Zinemagilearen etapa artistikoak islatzen dituzten lanak izanen dira. "Esencial James Benning" programan aspaldiko lanak ("11 x 14", 1976) eta lanik berrienak egonen dira ikusgai. Zentzu horretan, lan berrienak 16 milimetrotan eginda daude, eta formatu hori uzteko asmorik izan badu ere, horri eusten dio. "Esencial James Benning" programan Benningek berak parte hartuko du, eta zikloari amaiera emateko, haren azkenengo bi filmak ("Casting a Glance" eta "RR") estreinatuko dituzte (Espainian estreinatzeko daude oraindik).

"Punto de Vista" Zinema Jaialdiaren etengabeko helburuetako bat fikziozkoa ez den zinema garaikideko lurralde aldakorren kartografia egitea da. Espiritu horri jarraiki egin zuten, adibidez, saiakera zinemari buruzko "La forma que piensa" atzerabegirakoa (2007), eta helburu berarekin, zinema dokumental eta esperimentaleko birmuntatze kontzeptua (found footage) berrikus dezagun proposatuko du "La segunda vida de las imágenes" proiektuak. Gaur egun, birmuntatzea gero eta gehiago erabiltzen da (lehendik eginda dauden filmetako zatiak berrerabiliz eta beste esanahi bat emanez egindako zinema). Hala, "La segunda vida de las imágenes" proiektuak birmuntatzearen historian nahitaezkoak diren filmak bilduko ditu: Joseph Cornell eta Ken Jacobs-en klasikoetatik hasi, eta Alan Berliner, Félix Viscarret edo Jesús Pérez Mirandaren lan garaikideetara arte.

Dokumentazioa:: Berri osoa.doc

Jar zaitez gurekin harremanetan | Erabilerraztasuna | Lege abisua | Webaren mapa