Castellano | Euskara | Français | English
Ikusi egun honetako albiste gehiago
Nafarroako Gobernuak 50.000 euroko diru-laguntzak emango dizkie atzerrira joandako nafarrei, aldi baterako edo betiko Nafarroara bueltatu nahi badute
osteguna, 2009.eko martxoak 5Diru-laguntza jaso dezakete EBtik kanpo bizitzen 20 urte baino gehiago egin dituzten eta diru-sarrera txikiak dituzten nafarrek
Erakundeekiko Harremanetarako kontseilari eta Gobernuaren eledunak diru-laguntza deialdi bat sustatu du, Europar Batasunetik kanpo bizitzen 20 urte baino gehiago egin dituzten nafarrei aldi baterako edo betiko Nafarroara itzultzen laguntzeko; onuradunek, betiere, arazo ekonomikoak dituztela egiaztatu behar dute (urteko diru-sarrerak izan behar du Ondorio Askotarako Errenta Adierazle Publiko edo OAEAP delakoaren bi halakoren berdina edo txikiagoa).
2009ko deialdiaren oinarriak Nafarroako Aldizkari Ofizialean argitaratu zituzten joan den otsailaren 27an. Oinarri horien arabera, Nafarroako Gobernuak 50.000 euro jarriko ditu atzerrira joandako nafarrak Foru Erkidegora bueltatu daitezen, aldi baterako edo betiko; zenbateko hori erdi eta erdi banatuko da bi modalitateetan. Interesatuek urriaren 15a arte aurkeztu ditzakete eskariak Nafarroako Gobernuaren Erregistro Orokorrean edo Herri Administrazioen Araubide Juridikoaren eta Administrazio Prozedura Erkidearen Legean ezarritako beste edozein lekutan.