Castellano | Euskara | Français | English
Ezagutzera eman
Ikusi egun honetako albiste gehiago
Sanz presidenteak Aizpungo (Goñi bailarako) Teodosio landa hotela inauguratu du astelehena, 2009.eko apirilak 6
Nafarroako Gobernuak 550.000 euro inguruko diru-laguntza eman du hotela egiteko
El Presidente Sanz descubre la placa en el hotel rural Teodosio de Goñi.
(
irudia handitu
)
Inaugurazioan, Sanz presidenteak nabarmendu du proiektua Nafarroako Gobernuak ekoizpen jarduerak eta zerbitzuak sustatzeko dauzkan neurrien barruan dagoela. Neurri horien helburua da "lurraldea eta gizartea batzea eta, horretarako, hiritar guztiek eskubide berberak izan ditzaten bermatzea, edonon bizi direla ere: hirian edo herri txiki batean".
Aipatu diru-laguntzarekin ordaindu dute proiektua idazteko lanaren %90 (17.224 eurotik 15.501), obren %80 (658.447 eurotik 460.913) eta ekipamendurako aurrekontuaren %40 (183.721 eurotik 73.488). Diru-laguntza, guztira, 549.900 eurokoa izan da.
Exterior del hotel rural Teodosio de Goñi, en Aizpún.
(
irudia handitu
)
Eraikina honela dago banatuta: behe solairuan daude, batetik, harrera-lekua eta higiene zerbitzu orokorrak eta langileentzakoak, eta bestetik, maila altuago batean, jantokia eta egongela; lehen solairuan daude lau gela bikoitz, bainugela eta sukalondoarekin; eta bigarren solairuan beste bost logela bikoitz, bainugelarekin.
Teodosio landa hotela egiteko eraikina egokitu dute. Horretarako, erabat hustu dute eta harrizko fatxadak bakarrik utzi dituzte. Gero, iturriak, saneamendua, argindarra, airea girotzeko tresnak, igogailua, telefonoak eta suteen kontrako babesa jarri dizkiote.
Laster altzari nagusiak eta sukaldea jarriko dituzte, baita argiak, errotulazioa eta apaingarriak ere.
