Castellano | Euskara | Français | English
Ezagutzera eman
Ikusi egun honetako albiste gehiago
Gobernuak inbertsioak egiten lagunduko die Nafarroako Kanaleko nekazariei, lursailetan ureztaketa instalazioak jar ditzaten asteartea, 2009.eko apirilak 7
Neurri berriak adostu dituzte Nafarroako Kanaleko Ureztatzaileen Elkarte Nagusiarekin eta UAGN nekazari elkartearekin
El Gobierno de Navarra dará facilidades a los agricultores para la instalación de regadíos.
(
irudia handitu
)
Nafarroako Kanaleko eremu ureztagarria abian jartzeko lursailetan ureztaketa instalazioak jarri behar dira. Instalazio horiek jartzeko inbertsioa nekazariek egin behar dute: hektareako 3.000 eta 5.000 euro bitarteko gastua egin beharko dute, ureztaketa sistemaren arabera. Kontuan hartuta Nafarroako Kanalaren lehen fasean 23.600 hektarea ureztatuko direla, lursailak ureztatzeko sistemak instalatzeko nekazariek 100 milioi inguru inbertitu beharko dituzte.
Nekazariei laguntze aldera, Landa Garapen eta Ingurumen Departamentuak diru-laguntzak emango ditu, gastuaren %30 eta %55 bitartekoak (urtean 9 milioi euro inguru). Gainerakoa nekazariek jarri beharko dute. Nafarroako nekazaritza elikagaien sektorearen etorkizunerako inbertsio estrategikoa denez, Nafarroako Gobernuak neurri gehiago jarriko ditu.
Malgutasun gehiago eta inbertitzeko laguntzak
Hasteko, ureztatzaileek ureztaketarako laguntzak jasotzeko daukaten epea 3 urtera luzatu dute. Orain arte, inbertsioak bi urtean egin behar zituzten, gehienez, lursaila ureztatzeko jarritako egunetik kontatzen hasita. Alde horretatik, epe berriak atzeraeragina dauka bi urteko epe hori bukatu zaien sektoreentzat. Berritasun gisa, epe hori izango dute, baita ere, alboko lursailak eskuratu eta ureztaketa unitatea handitu nahi duten nekazariek. Guztiek, beraz, hiru urteko epea daukate.
Aldi berean, Riegos de Navarra SA enpresari eskumena eman zaio lursailerako instalazioen sustatzaile izan dadin. Beraz, Riegos de Navarra enpresak kontratatuko ditu obrak, nekazarien izenean. Era horretan, nekazariek ez dute aurreratu edo finantzatu behar Landa Garapen eta Ingurumen Departamentuaren diru-laguntzatik dagokien partea, diru-laguntza hori kobratzeko eskubidea Riegos de Navarra enpresari ematen baitiote.
Aurreikusi dute, baita ere, Riegos de Navarra SA nekazarien abal emaile izatea finantza erakundeen aurrean, behin Ekonomia eta Ogasun Departamentuak ahalduntzen duenean. Sozietate publiko horrek bermatu ahal izango du nekazariak diru-laguntzaz apartekoa ordaintzeko eskatzen duen maileguaren %50, gehienez.
Azkenik, Landa Garapen eta Ingurumen Departamentua Nafarroan kreditu ildo berri bat jartzeko lanean ari da Ingurumen, Landa Eremu eta Itsas Ministerioarekin eta Kreditu Ofizialeko Institutuarekin (KOI). Helburua da lursailetan ekipamenduak jartzeko inbertsioak KOIren bitartez finantzatzea, amortizazio epe luzeekin (30 urte) eta gabealdi abantailatsuekin. Kreditu ildo hori 2010ean martxan egongo da, seguru asko, orduan berrituko baitute hitzarmena Ingurumen, Landa Eremu eta Itsas Ministerioak eta KOIk.
Gehiago irakurri:
Ikusten ari den informazioa Nafarroako Gobernuak emandako prentsa-ohar osoaren bertsio bat da, online komunikabiderako egokitua.
