contacto de esta sección

Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.

Ikusi egun honetako albiste gehiago

Nafarroako Gobernuak 150.000 euroko dirulaguntzak bideratu ditu gizarte-boluntariotza programetarako osteguna, 2009.eko abuztuak 13

Deialdiaren xedea da norberaren autonomia sustatzea eta gizarte-zerbitzuetako erakundeen menpetasuna prebenitzea

Nafarroako Gobernuak 150.000 euroko dirulaguntzak bideratu ditu aurten, Familia, Gazteria, Kirol eta Gizarte Gaietako Departamentuaren bitartez, gizarte-boluntariotzaren arloan aritzen diren gizarte-zerbitzuen erakundeetarako, autonomia sustatzeko eta menpetasuna prebenitzeko programak garatze aldera. Hala jasotzen da Maria Isabel García Malo kontseilariaren foru-agindu batean. Agindu hori, hemendik gutxira argitaratuko da Nafarroako Aldizkari Ofizialean.

Dirulaguntza hauen helburu zehatza da boluntariotzaren arloan lanean diharduten elkarteen eta irabazi-asmorik gabeko erakundeen ekintzak sustatzea eta bultzatzea. Ekintza horiek, artatutako taldeen beharrak asetzeko nahiz bizitza independentea sustatzeko dira; bai eta haien menpetasuna prebenitzeko ere.

Aurkeztuko diren programei dagokienez, mota honetakoak izan beharko dute: boluntarioak erakartzeko, sentikortzeko, zabaltzeko eta sustatzeko programak; boluntarioen jarduerak koordinatzeko programak; barne nahiz kanpoko prestakuntza gai horretan edo autolaguntza-taldeak eta boluntarioak sustatzea arazo bera partekatzen duten pertsonen artean.

Halaber, beste programa hauek ere barne hartzen dira: erakundeen bitartez komunitateko gizarte-bizitzan sartzeko laguntza behar duten beste pertsona batzuei laguntzeko ekintza solidarioetan parte hatzen duten boluntarioek egindako programak eta erakunde bateko kideak erakunde horren zenbait programetan boluntario gisa parte hartzeko aukera ematen dutenak..

Aurkeztutako programaren jarduerek eta langileek eragindako gastuak finantzatuko dira. Halaber, salbuespen gisa, programaren funtzionamenduarekin zerikusia duten gastuak finantzatu ahalko dira.

Interesa duten erakundeek 30 egun naturaleko epean aurkeztu beharko dute eskabidea, NAOn deialdia argitaratu eta hurrengo egunetik zenbatzen hasita.

Jar zaitez gurekin harremanetan | Erabilerraztasuna | Lege abisua | Webaren mapa