Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
KUTZ sailburuak egiaztatu duenez, Nafarroak nahikoa mediku ditu A gripeari aurre egiteko asteazkena, 2009.eko abuztuak 19
Osasun Saila Nafarroako Medikuen Sindikatuarekin bildu da, Sailaren aldeko elkarlana erakutsi duena
Kutz sailburuaren arabera, Nafarroak nahikoa mediku ditu A gripeak erasandakoak artatzeko.
Kutz sailburuak Nafarroako herritarrei “lasaitasun eta konfiantza” mezua bidali nahi izan die, eta gainera, gaur goizean SMNrekin izandako bileraren berri eman du. Elkarte hori, bere idazkariak adierazi duenez, Osasun Sailari “erabateko laguntza” emateko prest dago. Halaber, Sánchez de la Nava jaunak, nafarrei zuzendutako lasaitasun mezua berretsi egin du, adierazita nahikoa mediku direla, nahiz eta laguntza-eskaera handia izan daitekeen.
Sailburuak adierazi duenez, gaur goizeko bileran A gripearen pandemiaren egoera orokorra edo medikuei eragin diezazkioketen aparteko neurriak aztertu dira (txandak bikoiztu beharra, leku-aldaketak, baimenen murrizketa); halaber, gaixotasun horren ondorioz ospitaleratu behar izan diren pertsonen kasuak aztertu dira (orain arte 39 pertsona, horietatik 4 ZIUn).
Zentzu horretan, sailburuak gogorarazi du kasu gehienetan A gripeak koadro arinak biltzen dituela, baina ZIU ospitaleratzeek egonaldi luzea eskatzen dutela. Horrez gain, komentatu du erasandakoen batez besteko adina 34 urtekoa dela eta gaixotasun hori oso kutsagarria dela; beraz, A gripea ezagutu zenetik adierazitako prebentziozko neurriak hartu beharra dagoela.
Lurralde arteko batzordea Madrilen
Bestalde, sailburuak adierazi du hurrengo abuztuaren 31n Madrilen Lurralde Arteko Osasun batzordearen bilera izango dela. Bilera horretan, autonomia erkidego bakoitzak pandemiaren aurka duen prestakuntza azalduko du. Gure kasuan, Nafarroak kontingentzia-plangintza zabala du, Kutz andreak adierazi duenez, profesionalen arteko adostasun maila handiaz prestatu dena, eta plangintza horren jarraipena batzorde tekniko batek, exekutibo batek eta krisialdiko batek egingo dute.
Sailburuak azaldu duenez, bilera horretan bestelako gai batzuk ere jorratuko dira, besteak beste, litezkeen txertatzeko xede-taldeak edo ikastetxeak ikasturtean progresiboki sartzea.
