contacto de esta sección

Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.

Ikusi egun honetako albiste gehiago

Nafarroako Larrialdi Agentziak 15.000 euro eman dizkie Tuterako Babes Zibileko boluntarioei, egoitza hornitzeko ostirala, 2009.eko abuztuak 21

Gobernua Tuterako Udalarekin elkarlanean ari da, bitartekoak Foru Erkidegoko Babes Zibilaren egituran integratzeko

NLAk 15.000 euro eman dizkio Tuterako Babes Zibileko Boluntarioen Elkarteari. ( irudia handitu )

Nafarroako Gobernuak 15.000 euroko diru-laguntza eman dio Tuterako Udalari, Babes Zibileko Boluntarioen Elkartea finantzatzeko. Laguntza horrekin egoitza hornituko dute; egoitza Peñuelas kalean dago, autobus geltoki zaharraren ondoan.

Nafarroako Larrialdi Agentziako (NLA) zuzendari gerente David Sainz Jimenezek sinatu du laguntza emateko erabakia. Laguntza 2009ko ekitaldirako da, eta 2008an Tuterako Udalarekin sinatutako hitzarmenari dagokio. Hitzarmena sinatu zuten, hain zuzen, Udalaren Babes Zibileko bitartekoak NLAren egituran eta Nafarroako Gobernuaren Larrialdietarako Osasun Garraioaren Sarean integratzeko.

Erabaki hori medio, NLAk jendearen eta ondasunen segurtasuna areagotuko du eta Udalak finantza laguntza jasoko du; izan ere, Udalak berezko funtsekin Babes Zibileko zerbitzua emateko zailtasunak dauzka.

Tuterako Babes Zibileko Boluntarioen Elkartea 1985ean sortu zuten. Gaur egun elkartea 47 pertsonak osatzen dute: anbulantziako gidari laguntzaileak (AGL), sorosleak eta medikuak. Horietatik 34 gizonezkoak dira.

2008an, elkarteak 203 alditan lan egin zuen SOS Nafarroak edo Tuterako Udalak eskatuta, eta 167 zerbitzu eta 570 laguntza jarduera egin zituen (jai eta kirol ekintzetarako prebentzio jarduerak; bilaketa, erreskate, erreten eta simulazioetan parte hartzeko jarduerak, e.a.). Prestakuntza jarduerak ere egin zituzten.

Nafarroako Larrialdi Agentziak boluntarioen 15 elkarteekin dauzka lankidetza akordioak: Tuterako eta Cintruenigoko Babes Zibileko taldeekin, su-hiltzaile boluntarioen zazpi parkeekin (Agoitz, Bera, Goizueta, Izaba, Leitza, Lesaka eta Luzaide), Gurutze Gorriarekin, DYArekin, Nafarroako Mendi eta Espeleologia Federazioekin, Salbamendu Zakurren Elkartearekin eta Psikologoen Elkargoarekin.

Jar zaitez gurekin harremanetan | Erabilerraztasuna | Lege abisua | Webaren mapa