Ikusi egun honetako albiste gehiago
Nafarroako Gobernuak 584.335 euro bideratuko ditu Itoitz urtegiaren inguruko bizi-kalitatea hobetzeko
astelehena, 2009.eko abuztuak 24
Emakida Itoitz-Nafarroako Ubidea Fundazioarekin hitzarmena eginda gauzatuko da
Nagore (Artzibar) Itoitz urtegitik ikusita
Nafarroako Gobernuak, gaurko saioan, 584.335 euroko inbertsioa onetsi du, 2009ko aurrekontuaren kontura, Itoitz urtegiaren inguruko herritarren bizi-kalitatea hobetzeko, baita inguruko herriak garatzeko ere. Laguntza horietatik, zehatz esanda, herri hauek lortuko dituzte onurak: Agoitz, Artzibar, Longida eta Orotz-Betelu:
- Orotz-Beteluko Udala: 230.768 euro bideratuko dira errota zaharra jatetxe bihurtzeko.
- Artzibargo Udala: 152.576 euro jasoko ditu toki intereseko lanetarako (Tokiko Inbertsioen Plana eta abeltzaintzako eta nekazaritzako azpiegiturak hobetzea).
- Longidako Udala: 125.000 euro bideratuko dira toki intereseko lanetarako (Tokiko Inbertsioen Plana eta nekazaritzako azpiegiturak hobetzea).
- Azparren kontzejua (Artzibar): 51.000 euro jasoko ditu zentral elektrikoa abian jartzeko.
- Agoitzeko Udala: 25.000 euro bideratuko dira udalerriko jarduera soziokulturalean lankidetzan aritzeko.
Laguntza ekonomiko horiek Itoitz-Nafarroako Ubidea Fundazioarekin lankidetza-hitzarmena sinatuta emango dira. Fundazioa irabazteko asmorik ez duen erakundea da eta 2002an sortu zuen Nafarroako Gobernuak. Besteak beste, eragin-esparruko udalerrien garapenari mesede egiteko (Agoitz, Artzibar, Longida eta Orotz-Betelu) eta herritarren bizi-kalitate handiagoa bermatzeko beharrezko jarduera guztiak egiten ditu. Ildo horretatik, Foru Gobernuak, gaurko saioan, lankidetza-hitzarmena onetsi du, eta hurrengo hauek sinatuko dute: Álvaro Miranda Simavilla bigarren presidenteordeak eta Ekonomia eta Ogasun kontseilariak, Itoitz-Nafarroako Ubidea Fundazioko presidente moduan, eta Andrés Eciolaza Carballo Ingurumen eta Uren zuzendari nagusiak.
- Dokumentazioa:
- Audioa
- Bideoa