Ikusi egun honetako albiste gehiago
Nafarroako Gobernuak 3,6 milio euro bideratu ditu lehiakortasuna hobetzeko laguntzetarako
ostirala, 2009.eko irailak 11
Kudeaketari, berrikuntzari, trebakuntzari eta zabalkundeari lotutako kanpoko zerbitzuak kontratatzearen gastuak diruz lagunduko dira
Nafarroako Gobernuak, Berrikuntza, Enpresa eta Enplegu Departamentuaren bidez, enpresen lehiakortasuna hobetzeko laguntzak deitu ditu, 3,6 milioi euro guztira.
Laguntzak
abuztuaren 12ko 1958/2009 Ebazpenaren bidez arautu dira (NAO 107. zk., 2009ko abuztuaren 31koa). Horien bidez, kudeaketa, berrikuntza, langileen trebakuntza eta zabalkunde eta sentsibilizazio arlo eta jardueretan kanpoko zerbitzuak kontratatzearen gastuak modu partzialean ordainduko dira.
Diru-laguntzak aholkularitza, langileen trebakuntza, auditoretza eta laguntza teknikoaren kanpoko zerbitzuak kontratatzearen gastuei dagokien aurrekontuaren %40 eta %50 bitartekoak izango dira, eta zabalkunde eta sentsibilizazio jarduerak egitearen gastuei dagokien aurrekontuaren %100era artekoak.
Eskaerak aurkezteko epea 2010eko otsailaren 26an amaituko da. Hartzaileak Foru Komunitatean kokatutako enpresak, enpresen taldeak edo bitarteko organismoak izan daitezke.
- Dokumentazioa:
- Lehiakortasuna hobetzeko laguntzak