Ikusi egun honetako albiste gehiago
Sos Nafarroako operadore laguntzailearen lehiaketa-oposizioan izena emateko epea urriaren 16ra arte irekita egongo da
asteazkena, 2009.eko irailak 16
29 plaza lekualdatzeko lehiaketatik sortzen diren plaza hutsak eskainiko dira, eta probak azaroan hasiko dira
Datorren urriaren 16ra arte irekita egongo da Nafarroako Larrialdi Agentziako (SOS Nafarroa-112) koordinazio-operadore laguntzailearen lehiaketa-oposizioan izena emateko epea. Deialdia Nafarroako Gobernuak egin du gaur. 29 plaza lekualdatzeko lehiaketatik sortzen diren plaza hutsak eskainiko dira, eta probak azaroan hasiko dira.
Nafarroako Aldizkari Ofizialean deialdiaren oinarriak gaur argitaratu dira. Besteak beste, betekizun hauek bete behar dira: 16 urte baino gehiago izatea eta Eskola Graduatua, lehen mailako Lanbide Heziketako titulua edo baliokidea izatea edo eskaera aurkezteko epea amaitzen denean titulua lortzeko moduan egotea.
Plazak funtzionarioen edo lan-kontratudunen araubidekoak eta D mailakoak izango dira, eta txanda askearen eta sustapen txandaren artean banatuko dira. Era berean, plaza lortzen ez dutenek aldi baterako kontratuak egiteko zerrenda osatuko dute. Plaza huts bat ehuneko 33ko desgaitasuna edo handiagoa duten pertsonentzat erreserbatuta dago.
Oposizioak izaera baztertzailea izango du eta bi fase izango ditu. Lehenengoan, fase selektiboan, zenbait ariketa egin behar dira, eta bigarrenean, edo trebakuntza fasean, Oinarrizko Prestakuntzaren eta Praktikaren Ikastaroa gainditu beharko da.