Gizarte Gaiak, Familia, Gazteria eta Kirolak Departamentuak 5.411.000 euro emango ditu krisiari aurre egiteko neurri bat abian jartzeko. Neurri horren bidez, oinarrizko errenta jasotzen duten 655 jasotzaileen kontratazioa diruz lagunduko da horien lan-munduratzea lortzeko. Ekimen hori pasa den martxoaren amaieran Nafarroako Gobernuak eta Nafarroako Alderdi Sozialistak hartutako 34 neurrietako bat da.

María Isabel García Malo kontseilariak gaur eman ditu jarduera horren xehetasunak, tokiko eta enpresa publikoek erkidego mailako intereseko enpleguak eskain ditzaten langabezian direnei, era horretan, langabezia murriztuta, enplegua sortuta familia ahulenentzat eta kontribuzio mailako prestazioak jasotzeko eskubideak sortzea lortuta.

Neurria hiru programatan artikulatuko da: Babestutako Gizarte Enpleguko Programa (egiturazko gizarte bazterketan edo horren arriskuan diren pertsonentzat), Interes Sozialeko Erkidegoko Enplegu Programa (ECIS) eta enpresa publikoen kontratazio programa (gizarte bazterketaren araberako egoeran diren langabeei zuzendutakoa).