Euskarabideak Nafarroako komunikabideetan euskara apurka-apurka agertzea sustatzeko laguntzen deialdia ebatzi du. Aurten laguntza horiek 220.000 eurokoak izango dira. 

Diru-laguntzak idatzizko komunikabideetara (eguneroko prentsa eta kasuan kasuko gehigarriak barne hartuta, baita aldizkariak ere), irrati eta telebista etxeetara eta internet bidez edukiak osorik edo zati batean hizkuntza horretan argitaratu edo igortzen dituzten komunikabideetara bideratuta daude.

Laguntzak emateko, Balorazio Batzorde Teknikoa hainbat irizpidetan oinarritu da, besteak beste, komunikabideen zabalkundea, kopurua eta estaldura geografikoa. Gaztelaniaz lan egiten duten informazio-enpresek laguntza jasoko dute soil-soilik haietan euskarak duen agerpenaren arabera

Esleitutako kopuruaren %50 jasoko dute, aurrerapen moduan, laguntza esleitzean, eta gainerako kopurua Euskarabideak frogagiriak eta jarduera-memoriak onartu eta gero.