María Isabel García Malo Familia, Gazteria, Kirol eta Gizarte Gaietako kontseilariak eta Amelia Martínez Muñoz Queiles Ibarreko Gizarte Zerbitzuen Mankomunitateko lehendakariak Mankomunitateko Oinarrizko Gizarte Zerbitzuaren egoitza berria inauguratu dute. Mankomunitatea sei udalerrik osatzen dute: Ablitas, Barillas, Cascante, Monteagudo, Murchante eta Tulebras. 11.300 biztanleri baino gehiagori eskaintzen die zerbitzua.

Nafarroako Gobernuak, Departamentu honen bidez, 181.093,88 euroko diru-laguntza eman dio Queiles Ibarreko Mankomunitateari, lokala eskuratu eta zaharberritzeko, hau da, gauzatutako aurrekontuaren %80 (231.703,64 euro).

Diru-laguntza hau toki entitateek oztopo arkitektonikoak ezabatzeko eta Gizarte Zerbitzuen Zorroak herritar guztiei eta bereziki adinekoei eta desgaitasunen bat dutenei bideratutako Lehen mailako Arretako prestazioak zein eraikin publikotan kudeatu eta horietan irisgarritasuna hobetzeko deialdian sartzen da.

Lokal berriak Caja Navarrari erosi zaizkie. Behe solairuan bulegoak eta herritarrak artatzeko gelak daude, eta lehen solairuan bulego bat eta bilera-gela bat, artxibo bat eta beste instalazio batzuk. Lehen solairu horretara igogailu baten bidez ere iritsi ahal izango da, oztopoak kentzeko. Lokalak herriko inguru zentriko batean kokatuta daude, Cascanteko Foruen plazatik 50 metrora.