Nafarroako Larrialdi Agentziak Nafarroako Asociación de Ayuda en Carretera (DYA) erakundeari 161.259,90 euroko diru-laguntza emango dio, erakunde horretako kontuetan dagoen defizita arintze aldera. Laguntza horrek bi partida ditu, bata 57.709,80 eurokoa eta bestea 103.550 eurokoa. Diru-laguntza PSNk aurkeztu eta Parlamentuak onetsitako Nafarroako Aurrekontu Orokorrei aurkeztutako zuzenketa baten emaitza da, Foru Gobernuarekin sinatutako aurrekontu-akordioari esker.

Diru-laguntzaren bidez, babes zibilari dagozkion jarduerak garatzeko gastuak ordainduko dira, NLAk ematen duen laguntzaren barruan. Bi laguntzak DYA erakundeak eta Nafarroako Larrialdi Agentziak egindako lankidetza-hitzarmen batera bilduta daude. Nafarroako Larrialdi Agentzia Nafarroako Gobernuko Lehendakaritza, Justizia eta Barne Departamentuaren menpeko erakunde autonomoa da.