Bihar, asteazkena, uztailak 21, Erriberriko Antzerki Klasikoaren Jaialdian, 22,30ean, la Cavako agertokian, Molièreren El avaro lana ikusi ahal izango da, Juan Luis Galiardok interpretatuta, Jorge Lavelliren zuzendaritzapean. Lanaren bertsioa eta egokitzapena Jorge Lavellik eta J. Ramón Fernándezek egin dute.

El avaro komediak bost ekitaldi ditu -Plautoren La olla lanean oinarrituta-. Horren bidez, Molièrek XVII. mendeko frantziar gizartearen faltsutasunari eta ohitura zaharkituei eraso egin zien. Lan honetan zekenkeria aztertzen da, Harpagón pertsonaiarengan oinarrituta: boterea diruaren bidez lortu du, eta horren truke sentimendurik garbienak erosi nahi ditu.

Lanean unibertso guztiz modernoa irudikatzen da, eta horren bidez gizarte garaikidearen erretratua egin nahi da. Testuak indarraldi osoa du, krisiak agerian jartzen baititu zekenkeriak eta diru-goseak sortutako giza miseriak eta beldurrak.

Ikuskizun honen bidez, Juan Luis Galiardok antzeztutako Harpagón protagonistaren deskripzio izugarria egiten da. Harpagón asoziala, izugarria eta zekenkeriaz jositako pertsonaia da. Pertsonaia horrengan oinarrituta, istorio fantastiko eta poetikoa eraikitzen da, azkenean komedia bihurtzen dena

Jorge Lavelliren eszenaratzean espazioa modu dinamikoan erabiltzen da, eta testuaren funtsezko edukia azpimarratzen da. Argiek ere pisu handia dute muntaketan, taula gainean dramatikoak eta groteskoak bat egiten baitute.

Jorge Lavellik dioenez, Moliéreren antzerkiak garai guztiak gainditzen ditu, oztopoen aurrean gelditu gabe. Gizakia aztergai bihurtzen da. Zekenkeria eta eskuzabaltasuna aztertzen dira. Baina "eskuzabaltasunaren bideek harritu gaitzaketen arren, gezurraren eta espekulazioaren bideek liluratu egiten gaituzte. Gaizkia boteretsuagoa, dibertsifikatuagoa eta erakargarriagoa da, ulertezina baita. Analisi horrek liluratu egiten gaitu (…) Guk material baliagarri hori askatasun aplikatu batekin bateratzen dugu, fartsaren bidea gaitzetsiz, minetik eta zorakeriatik hurbilago sentitzeko."

Eta hurrengoa gehitzen du: "Harpagón zekenaren etxean gaude eta korridoreak eta bazterrak leku arriskutsuak dira. Guztia espiatu daiteke eta guztia disimulatu, ezkutatu eta ezagutzera eman daiteke. (…) Nire lana familia gaitzetsi eta dekadente horri bizimodua eta sinesgarritasuna ematea da, hobeto ezagutzen ditugun familia batzuen antza baitu. Horietan ere urratzea eta berekoikeria izaten dira nagusi. Eta ezin dugu ahaztu istorio sinple eta fantastiko honen epizentroa Molièreren umorea dela. Askotan suntsitzailea eta zorakeriaz betea izaten dena. Bikaintasun puntua askatasun dramaturgikoa eta antzerki hutsa etengabe bilatzea izango lirateke."

Erriberriko Antzerki Klasikoaren Jaialdiari buruzko informazio puntua Iruñeko Turismo Bulegoan dago, San Francisco plazan. Sarrerak www.navarra.es eta

Nafarroako errege-erreginen Jauregian egingo da uztailaren 21, 22, 25, 26, 27, 28 eta 29an, 22:00etan eta 23:00etan.

Ricardo Romanosen zuzendaritzapean, Jaialdiaren aurreko edizioan izandako arrakastaren ostean, Erriberriko gaztelura El Museo de los Horrores Teatrales ikusleek gehien eskatutako ataletako bat itzuli da. Antzerki unibertsalaren eszena bortitz eta beldurgarrienetako batzuk jorratzen dira, automaten eta argizarizko irudien bilduma izugarri batek interpretatuta. Azken horiek antzezpenari bihozgabekeria asaldatzailea gehitzen diote

El Burlador sin sardina eta El Sueño de una noche de verano lanen esperientziaren ostean, Erriberriko Antzerki Klasikoaren Jaialdiak klasiko gogokoenetako batera hurbiltzea proposatzen du, gure kulturan funtsezko testua baita: Lazarillo de Tormes. Javier Pérez Eguarasen zuzendaritzapean, Virginia Cervera eta Sofía Díez dira interpreteak eta musika Daniel Ariasena da. Sarrerak Erriberriko Erdi Aroko Galerietan saltzen dira.